大麥牛肉麵 (已結業)

今日黎到西环呢度，突然好挂住台湾嘅牛肉面，就揾到呢间舖头一试！环境清幽，系喺港岛难得清醒嘅一个小角落，装修以白色墙纸为主，行文青风，重点系舖面都好干净坐得舒服。晚餐menu将牛肉面同牛肉乔麦面放到最上，相信系对自己舖头嘅牛肉面好有信心先会将佢当主角放喺menu当眼位置，就一于试下佢！除左主食当然仲有数样台湾小食，我同朋友一人一碗牛肉面，一辣一唔辣，咁样就清楚试到汤底味道同师傅嘅功架！原味汤底清甜，辣味汤底惹味，大家都不妨根据返自己口味拣🤣面身有韧度，好好咬😂而且挂到汤，牛肉方面店主都大方用左4片黎配上，入味之余又稔，有4片都唔够食呀！小食方面拣左鸡翼同红烧萝卜，鸡翼入味，食到厨师用过酒腌味，而且肉同骨好易分离，食得好方便！萝卜好入味，而且完全冇根，完全系台湾食到嘅质素！下次如果再喺港岛想食台湾野，呢间都会列入我考虑范围之中！