影片
更多
2014-10-04
816 浏览
深水埗嘅甜入心唔经唔觉都开咗成年几，虽然位处暗街，唔及松记、绿林晌大街位，但生意及评语都不俗，门外有唔少等位或等外卖嘅客人。之前已经嚟过，对其焦糖布甸椰皇子念念不忘，喺必食之选，今次同朋友再到访，发觉多咗好多新嘢。环境无乜点变，白色墙身挂有好多食物照，感觉就似乎窄咗，可能生意好，枱都放多三几张。是晚嚟到，座无虚席，足证人气依然。未点甜品前，先介绍朋友试吓佢啲自家制嘅英式淡果茶，果茶就放晌门口，随意自斟自饮，免费唔收钱；而傍边仲有个小型朱古力喷泉，一小粒一小粒以竹签拮好，又喺自助随意，绰头定喺心思？无论边样，都喺店方嘅小小心意。原来啲果茶目的唔单止让大家稍稍解渴，更重要喺洗涤口中甜味，务求试每一道甜品都能认真细味。有半张枱大细嘅巨型餐牌，罗列超个40款甜品及数款饮品，翻一转你就会发现唔少甜品个名都几得意，如「衣香鬓影」、「重口味」、「龙颜大怒」、「出浴椰皇子」……；而好多人气嘅「入心」推介依然晌度，例如：「焦糖布甸椰皇子」、「公主出巡」、「风花雪」……；不过，有啲之前食过嘅甜品就唔见咗，例如：「招牌杨枝金露」、「黑马王子」、「杏仁布甸」、「香槟果冻」等等。焦糖布甸椰皇子 $36采用中型泰
环境无乜点变，白色墙身挂有好多食物照，感觉就似乎窄咗，可能生意好，枱都放多三几张。是晚嚟到，座无虚席，足证人气依然。
未点甜品前，先介绍朋友试吓佢啲自家制嘅英式淡果茶，果茶就放晌门口，随意自斟自饮，免费唔收钱；而傍边仲有个小型朱古力喷泉，一小粒一小粒以竹签拮好，又喺自助随意，绰头定喺心思？无论边样，都喺店方嘅小小心意。原来啲果茶目的唔单止让大家稍稍解渴，更重要喺洗涤口中甜味，务求试每一道甜品都能认真细味。
有半张枱大细嘅巨型餐牌，罗列超个40款甜品及数款饮品，翻一转你就会发现唔少甜品个名都几得意，如「衣香鬓影」、「重口味」、「龙颜大怒」、「出浴椰皇子」……；而好多人气嘅「入心」推介依然晌度，例如：「焦糖布甸椰皇子」、「公主出巡」、「风花雪」……；不过，有啲之前食过嘅甜品就唔见咗，例如：「招牌杨枝金露」、「黑马王子」、「杏仁布甸」、「香槟果冻」等等。
焦糖布甸椰皇子 $36采用中型泰国椰青，以椰青水做成椰青啫喱，再加上一客焦糖布甸，淋上椰奶，味道丰富。椰青啫喱清爽，味道突出，而焦糖布甸香滑富蛋香，带微微焦糖味，混和椰奶同食，滋味倍增。不愧自家原创嘅招牌甜品，再食都喺咁好味。最后，咪唔记得刮出椰皇肉嚟食！
龙颜大怒 $28名字有趣嘅龙颜大怒，喺一道以将传统西米露为本而重新演绎嘅特色甜品。将龙眼、西米、Q珠、云呢拿雪糕组合而成，虽然，相信龙眼肉都应该会喺罐头货，不过，混入云呢拿雪糕，味道比平常嘅西米露更加甜美，西米加Q珠，口感更过瘾！
黑松露雪山 $55记得以前甜入心无做吐司甜品，随著台式吐司大收旺场，佢哋都加入埋落餐牌，不过，作为新品又岂可随波逐流咁平凡，吐司做成小山，衬埋少少士多啤梨做点缀，卖相既立体又有新鲜感。脆脆嘅吐司条淋上吉士及焦糖酱，甜蜜味美，吐司山下嘅黑松露雪糕，味道好有惊喜，因为黑松露味非常突出，香滑浓郁，配唔配吐司都一样滋味，值得一试。
虽然甜入心位置有点输蚀，但见佢咁旺场就知佢有一定嘅实力，况且，招牌出品依然保持水准，而新品又创意味道兼备，所以，又点唔令人食得甜入心扉！
张贴
