影片
更多
2016-03-06
634 浏览
马鞍山★甜匠今日虽然玻璃胃唔系太乖，但一早谂好左去食waffle，心瘾难耐都系豁出去甜品店位于略为远离新港城中心地既鞍诚街，不过好在开系谭仔三哥隔离，应该引诱到唔少人食番个饭后甜品～平日下昼4点几黎到，有位女店员系到抹紧块大玻璃，唔怪之得成日都keep到咁干净，可以清晰睇到小店既室内环境。门面同店名相呼应咁型仔，落地大玻璃配黑框，Soul sweet是也。一室木系家俱，放有各式各样材料既天花吊柜同样采用黑框，简约而不失型格。灵活使用空间，除左5张双人枱，仲有8个bar枱位，小小店舖大约可以容纳18人。店员话整bar枱既另一个原因系希望促进客人同甜品师既交流，可惜暂时发现大部分人都比较喜欢坐双人枱。值得一赞既细心位系bar枱位置设有铁勾可以挂袋，唔洗揽住个袋坐咁狼狈。不过，小店最抢眼莫过于开放式厨房既墙身。墙架由一条条好似轨道既金铜色铁片同竹条造成，挂上一系列甜匠既煮食工具。揾食时间上次经过就系比门口既午后「窝夫。花茶」推广吸引左，15:30-18:00午后时光只需要$48就可以享用窝夫+花茶，变相姐系买窝夫（$48）送花茶（$28），仲要星期一至日都有提供㖞其实小店除左窝夫仲有好多选择
今日虽然玻璃胃唔系太乖，但一早谂好左去食waffle，心瘾难耐都系豁出去甜品店位于略为远离新港城中心地既鞍诚街，不过好在开系谭仔三哥隔离，应该引诱到唔少人食番个饭后甜品～
平日下昼4点几黎到，有位女店员系到抹紧块大玻璃，唔怪之得成日都keep到咁干净，可以清晰睇到小店既室内环境。门面同店名相呼应咁型仔，落地大玻璃配黑框，Soul sweet是也。
一室木系家俱，放有各式各样材料既天花吊柜同样采用黑框，简约而不失型格。灵活使用空间，除左5张双人枱，仲有8个bar枱位，小小店舖大约可以容纳18人。店员话整bar枱既另一个原因系希望促进客人同甜品师既交流，可惜暂时发现大部分人都比较喜欢坐双人枱。值得一赞既细心位系bar枱位置设有铁勾可以挂袋，唔洗揽住个袋坐咁狼狈。
不过，小店最抢眼莫过于开放式厨房既墙身。墙架由一条条好似轨道既金铜色铁片同竹条造成，挂上一系列甜匠既煮食工具。
揾食时间上次经过就系比门口既午后「窝夫。花茶」推广吸引左，15:30-18:00午后时光只需要$48就可以享用窝夫+花茶，变相姐系买窝夫（$48）送花茶（$28），仲要星期一至日都有提供㖞
其实小店除左窝夫仲有好多选择，包括赏心悦目既瓶中甜品＆传统中式糖水等等，不过就唔系午后套餐之内。
好彩黎之前已经心意已决，否则选择困难症实发作。- 桂圆红枣茶（跟餐，原价$28）：
桂圆红枣茶
56 浏览
0 赞好
0 留言
无意中发现套住玻璃杯既水松木杯垫，唔知点解对佢情有独钟，个坑位既弧度好smooth好靓～
- 海盐牛奶拖肥伴香蕉窝夫（$48）：
海盐牛奶拖肥伴香蕉窝夫
$48
52 浏览
0 赞好
0 留言
3.6牛乳雪糕
103 浏览
0 赞好
0 留言
轮到主角比利时列日窝夫(Liege Waffles)。waffle既外皮好似烧焦左咁深色，但放心食落完全无㶶味。有别于平时食开既waffle，食到既亦唔系蛋香味而系甜蜜既焦糖风味。面头另外加左少量海盐，不过个人觉得对味道既影响不太大。Waffle劲松脆，食落口感扎实带ｄ嚼劲。好惊讶坐系到食左成粒钟都仲keep到脆无林晒？一问之下先知原来面团加左比利时珍珠糖，烘制果时表面既珍珠糖溶化而形成左果层又香脆又甜蜜既深色外皮太好味全数落肚，拖肥酱＆窝夫都甜蜜蜜但同其他材料配合得好好，食完都唔会觉得好漏/济
埋单$48。
午后「窝夫。花茶」
$48
122 浏览
2 赞好
0 留言
整体环境舒服，尤其当阳光透过落地玻璃洒入黎好温暖轻快音乐做背景，感觉放松，一个人或者同三五知己黎坐下倾下计都几好嫁。甜品美味选择多，tea set实惠，店员友善，系值得支持既有心小店
呀...咖啡瘾发作，如果有埋杯咖啡饮下就好喇，哈哈不过店员话小店空间有限难以兼顾埋调制咖啡～都岩既甜匠都系专心做好甜品下次再黎试第2种口味既waffle果时继续乖乖地饮花茶啦。。
张贴
