山下菓子 (如心廣場) (已結業)

同朋友行如心广场揾食，朋友见到这里做紧主题，行过去望望见到以chip & dale主题布置，哗朋友本身都系迪士尼嘅fans,当然入去食饭打卡啦！餐牌选择多，有咸点甜点选择，当然要点chip & dale套餐选择，有不同配搭，可以按自己喜好组合，今次就点了只有荃湾如心店限定嘅烧汁牛肉丼饭，再配小食明太子鸡翼，还有杯凤梨冰沙，烧汁牛肉丼饭内放满了肥美牛肉加上紫菜丝，子姜，入口十分嫩滑肥美，跟住肥牛嘅烧汁令到牛肉味道更入味！饭身够晒弹牙烟靭！最喜欢就系用上了石锅之后出现嘅饭焦，特别香口！而明太子鸡翼有两大只，鸡翼去骨后塞满了鸡肉同明太子烧，入口有爆开嘅感觉，入口带点点微辣，十分醒神！而杯凤梨冰沙就真系啖啖都食到凤梨肉碎，入口冰凉透心，阵阵香浓嘅凤梨味道十分清新！最后加埋个鲜果比利时窝夫 ，落单即做，上枱时嘅卖相一流，鲜果健康美味，比利时窝夫都好特别，外脆内软，香脆口感的比利时窝夫，伴随忌廉、黑糖，味道甜甜，配合不同鲜果香蕉、奇异果、土多啤梨及蓝莓，口感丰富很喜欢！整体食物有质素，加上店内有不同嘅chip & dale布置绝对系fans 必到之选！