京林屋 (明宮閣) (已結業)

今晚约左住太古城嘅老死食饭，佢话佢屋企楼下开左京林屋分店，仲有定食添！身为抹茶爱好者嘅我地决定食佢！虽然系食饭时间（7点左右）但好彩未满座，冇book位就可以入座啦。餐厅装潢一贯以和风作主调，简㓗明亮。打开Menu, 全是抹茶焙茶甜品，好吸引！仲有几款日式料理同定食俾你拣，睇相已经流晒口水🤤。京式鳗鱼饭（原条）$98 呢个鳗鱼饭绝对抵食，原条上、厚身、肥美、唔会太淋而有啲烟韧、唔腥、无骨，虽然唔系世界级好食，但$98有原条鳗鱼，平靓正！加$20（$118）可以配自选茶，抵呀🤤 林屋和食料理 $88，配自选茶$108呢份料理嘅presentation好靓。分左4格料理，有玉子、元贝、鲭鱼、八爪鱼沙律等，味道偏甜，好有和食风味。最后系甜品啦！秘制抹茶蕨饼 $88蕨饼咁店家每日新鲜制作，口感滑嘟嘟冻冰冰，带有清香抹茶味，味较清淡，配上黑蜜同抹茶黄豆粉更加滋味！焙茶芝士蛋糕 $88焙茶芝士蛋糕芝士味同茶味都好出，配上冰冻焙茶雪糕可减低腻滞感，而附上嘅白玉丸子都够烟韧弹牙，正！另外，餐厅坐得舒服、服务周到，会再encore!