糖仁街 (已結業)

下午茶果阵肚饿想食少少野，朋友话不如去食甜品，所以就带左我黎呢度。之前晌厚福街果阵时食过几次，原来佢上个月就搬左黎山林道，不过地方就比较隐蔽，最好系晌天文台围行入去就容易D。我地叫左一个焦糖炖蛋同埋炸墨鱼丸，墨鱼丸岩岩炸好，新鲜热辣，里面有粒粒墨鱼肉，都几弹牙，唔错。焦糖炖蛋用心形既杯，卖相几靓，入口都几滑，又有蛋味，食落唔会太甜。下午茶都系想食多D咸食，所以再追加左一客咖喱鱼蛋，鱼蛋几弹牙，咖喱汁有椰香味，如果再辣D就更加好。下次如果食完饭想晌尖沙咀食甜品既话，会黎多一次试下其他甜品。