影片
更多
2017-04-30
770 浏览
活动到左尾声，黎到最后一间餐厅 - 《星航图咖啡馆》，佢位于酒店正中央，座拥南中国海海景及酒店园景，边品尝甜品边欣赏景色，甚是惬意！而且你亦可以隔住玻璃欣赏师传整饼过程，现时仲有多款迪士尼特色蛋糕订添，订一整个大约$700-1000不等，需要72小时前预订及亲身到酒店提取，如在酒店餐厅享用则免切饼费！睇完一轮之后，就到赖生同屈小姐期待已久既重头戏啦⋯⋯《甜品之夜》，可以食到多款咖啡室提供既甜品啦第一样我地试既⋯就系迪士尼自家制既gelato!杂莓三色Gelato杯:⭐️⭐️⭐️呢杯Gelato有3球，分别系士多啤梨、云呢嗱同朱古力，仲淋上多重杂莓酱同配埋一只印有米奇而且食得既既朱古力匙羮添！想要其他Toppings仲可以去自助Bar自己任加添！杂莓全部都好新鲜呀！带有独特既莓酸，好衬杯雪糕，个Waffle亦十分脆口，系比较厚身果种（食哂其实都几饱），雪糕就口感顺滑，如果味道可以再浓啲，一定更加出色！朱古力匙羮几有心思，岩哂影相，实际食落就系好硬身而且无咩味既（怀疑真系可以用尼毕雪糕食）之后我地就转战蛋糕啦！1）米奇老鼠造型蛋糕（Tiramisu)（左）：⭐️⭐️⭐️⭐️⭐️单是造型同设计，已经可见师传
而且你亦可以隔住玻璃欣赏师传整饼过程，现时仲有多款迪士尼特色蛋糕订添，订一整个大约$700-1000不等，需要72小时前预订及亲身到酒店提取，如在酒店餐厅享用则免切饼费！
睇完一轮之后，就到赖生同屈小姐期待已久既重头戏啦⋯⋯《甜品之夜》，可以食到多款咖啡室提供既甜品啦第一样我地试既⋯就系迪士尼自家制既gelato!
Gelato
46 浏览
0 赞好
0 留言
呢杯Gelato有3球，分别系士多啤梨、云呢嗱同朱古力，仲淋上多重杂莓酱同配埋一只印有米奇而且食得既既朱古力匙羮添！
想要其他Toppings仲可以去自助Bar自己任加添！杂莓全部都好新鲜呀！带有独特既莓酸，好衬杯雪糕，个Waffle亦十分脆口，系比较厚身果种（食哂其实都几饱），雪糕就口感顺滑，如果味道可以再浓啲，一定更加出色！
朱古力匙羮几有心思，岩哂影相，实际食落就系好硬身而且无咩味既（怀疑真系可以用尼毕雪糕食）
之后我地就转战蛋糕啦！
米奇老鼠造型蛋糕（Tiramisu)（左），蓝莓热情果蛋糕（中），芒果玫瑰Cupcake（右）
63 浏览
0 赞好
0 留言
单是造型同设计，已经可见师传既用心，佢首先用黑白朱古力做好米奇外型，皮带位置用上芒果味糖胶相连，而整件蛋糕可以打开，中间收藏一球圆形既Tiramisu，单是造型及玩味已经拎满分
而且Tiramisu既口感顺滑，咖啡味浓香，入口渗出淡淡既酒味，无论味道同卖相都极其出色
2）蓝莓热情果蛋糕（中）：⭐️⭐️⭐️
铺面既蓝莓粒粒都好甜好实净呀！系靓蓝莓黎，对于爱好生果既我地，岩晒！
而外层用朱古力圆筒包住，入面收藏热情果蛋糕，配合蓝莓既甜味，酸酸甜甜，蛋糕软绵，相当不错
3）芒果玫瑰Cupcake（右）: ⭐️⭐️
造型都好靓，将芒果铺成玫瑰花外型，而芒果都好甜好食！只系底部cup cake比较湿⋯有少少黏口，有改善空间
指南针造型朱古力软心挞（左），行李箱造型咖啡朱古力蛋糕（右前），忌廉芝士挞（右后）
59 浏览
0 赞好
0 留言
此款蛋糕口感不错，外层有朱古力味挞皮，比较硬身同实，内有朱古心软心蛋糕，佢既朱古力味浓得尼调得比较甜，适合大众口味！（连唔食朱古力既赖生都食左几啖）
5）行李箱造型咖啡朱古力蛋糕（右前）：⭐️⭐️
行李箱造型好独特有心思，配合酒店主题，打开由朱古力皮造成既行李箱外层后，就见到个咖啡朱古力蛋糕，就肉眼所见，咖啡朱古力蛋糕有超过5层，蛋糕口感比较实，食落口咖啡味一涌而上，喜爱咖啡既你，一定会钟意
6）忌廉芝士挞（右后）：⭐️⭐️
外型最为踏实既蛋糕，中心部份入口软绵，面层Cream比较厚重，好Cream之人必选！
米妮造型蛋糕（野莓朱古力Mousse)
77 浏览
0 赞好
0 留言
米妮造型蛋糕同米奇造型蛋糕一样可爱动人，净系外型已经俘虏左唔少在场女士，而且师傅既花左好多心思系味道既设计上！
佢系一个朱古力mousse蛋糕，包住中心少量蛋白mousse，最外层再淋上好杰身既Raspberry 酱，配搭糖胶造成既米妮圆形点点装饰，蛋糕底部巧妙地配上超浓味朱古力蛋糕（系比较紥实，似brownie果种），整个蛋糕味道层次十足，先是Raspberry 酱既酸，再食到糖胶既甜味，随之而黎既系滑溜既朱古力Mousse，再食到淡淡既蛋白甜香，中和番Raspberry 酱既酸味，最后以浓郁朱古力味作结，好一个奇幻既味蕾冒险！
整体而言: 蛋糕外型有心思！影相一流，特别系米奇及米妮造型蛋糕！
#一听到甜品之夜就兴奋莫名
#价钱不详
#多谢Openrice
#纯粹以食物及环境作评分
#毫无额外加分
#肥死啦肥死啦
张贴
