芝麻開門甜品專門店

营业中

休息中

疫情关系都好耐冇出过街食嘢，尤其是食甜品。对上一次都唔知几耐之前。今日咁啱嚟到太子就食下呢间芝麻开门啦！叫咗个招牌甜品芒果拿破仑，咁佢一上碟呢我哋都觉得好靓好色彩缤纷。佢会有芒果、雪糕同埋果酱。呢个拿破仑新鲜制作上枱时仲热辣辣之后夹埋新鲜嘅芒果肉，舖头嘅芒果好特别佢系超级冰冻嘅同埋酸中带甜甜中带酸嘅感觉，好冰冻。配上绿茶雪糕感觉刚好。之后再叫咗个窝夫，我哋叫咗一球雪糕窝夫。呢个记得都系制作需时所以记得要耐心等候啊！可以拣朱古力酱或者士多啤梨酱咁我哋拣咗朱古力酱，再配埋比较特别嘅奶茶雪糕。变咗系好配合好似饮紧奶茶又食紧美味嘅甜品咁，感觉好特别！虽然系简简单单但系都好满足！有阵时食嘢或者食物唔系最重要而系整体环境所有因素配合得宜。而时间都尚早但系舖头都已经有唔少客人，可见呢啲系受到街坊支持咁大家都记得支持呀。