海景粥店茶餐廳 (已結業)

今日下午我们去咗旺角亚皆老街嘅「海景粥店」食下午茶！我们叫咗皮蛋鱼片粥、肠粉、特餐：鸡扒鸡中翼出前一丁面配火腿奄列跟多士同芝麻糊！皮蛋鱼片粥嘅粥底煲得都几绵，鱼片都几鲜甜，皮蛋亦几甘香，而且份量都几多！肠粉嘅卖相唔系好吸引，切到大小不一，而且质感比较「嚡」同唔系好嫩滑！特餐：鸡扒鸡中翼出前一丁面嘅鸡扒都几大块，而且肉质亦几软滑，鸡中翼嘅表面都煎得几香口！火腿奄列跟多士就不过不失！芝麻糊嘅味道相当香浓，而且唔会好稀，浓稠度调教得几好！