The Promenade餐廳

营业中

休息中

可能因为黄埔区比较隔涉，今日嚟食午市自助餐都唔算多人。冻海鲜冻蟹脚够粗身，但系似乎唔够新鲜肉质有啲干身。刺身选择够多，不过质素只算一般。肉类烧肉眼扒同羊扒肉质都鲜嫩。另外佢会将肉眼扒近骨嘅部分切出嚟畀人攞，呢个部位虽然唔系啖啖肉，不过肉质就特别幼嫩，我就攞咗用手拎住慢慢食都唔错。甜品呢度嘅甜品区系重点！首先拿破仑系呢间酒店招牌甜品，一定要试。其他蛋糕质素都好，唔会死甜蛋糕质地又够松软。另外佢仲有莲蓉西米布甸同香芋糯米糍呢啲怀旧中式甜品。最后佢嘅雪糕系movenpick，仲有好多口味添。