Black Bear

营业中

休息中

几次经过见到呢度嘅甜品都好想食，今晚一于黎试吓。睇相见到啲意粉几好食，我们分别叫咗黑松露螺丝粉同虎虾意粉。先讲虎虾扁意粉，酱汁方面偏向蕃茄味浓一点，意粉烟靭度处理得唔错，而大虾亦都食唔出有雪藏味。如果要比较，我们就喜欢黑松露本菇螺丝粉，螺丝粉的烟韧度比意粉处理得更加好，黑松露味道和忌廉的比例亦都唔错，唔会整得太水或者太干。来到甜品就精彩了，先来黑熊芭菲，个人最喜欢是雪糕，咖啡味重而且不太甜，配搭其他啫喱及脆饼一齐食，已经系十分丰富的甜品。再来的香蕉朱古力牛角包窝夫就将今晚的满意度提升更高层次，窝夫压得非常之好，唔会太干亦不会很松散，配合香蕉和朱古力一齐食，完全不会有油腻感！最后的espressso tonic 就好像喝了一杯带果酸味的有汽咖啡，可以中和甜品的甜蜜感。