La Postre (永樂街) (已結業)

相约朋友庆祝生日，来到上环A出口，行过一条小街就到。入到铺头，装修精美，好有格调，欧美风格。侍应好好客，招呼我们坐梳化位。叫左2个主食加一个甜品：芝士煎蟹饼 - 招牌小食之一，见到openrice好多人order，煎蟹饼中间有芝士，系中间切左之后有芝士流出嚟。上面有木鱼丝，入面有蛋浆同埋大量蟹肉，份量多，好味。西班牙海鲜炒饭 - 好多海鲜有4只大虾同埋好多青口，仲有蚬。西班牙饭放左青椒等，有少少辣，饭粒煮到刚刚好， 仲有蕃茄的甜味，好惹味，不过份量好大，2个女仔食唔晒。杂果窝夫一共8份，焗到岩岩好，中间有雪糕，窝夫里有麻糬，仲有好多杂果有无花果芒果士多啤梨蓝莓等。卖相精美，淋上蜜糖非常可口。