一糖 (屏山)

营业中

休息中

新开张个阵见到网上有人介绍就过黎试下，觉得甜品种类太少。隔咗年几再黎睇下，发现多咗好多甜品，总有一款啱你心水！我地4个人叫咗焦糖Oreo窝夫、草莓芭菲、香蕉红豆朱古力奶冻、芒果肠粉。本身以为Oreo窝夫会好似普通甜品铺咁净系洒啲Oreo粉同埋放块Oreo饼，点知原来块窝夫中间系夹咗好多Oreo碎，好有惊喜！而且窝夫外面脆得黎入面又有松软，值得一试。反而草莓芭菲冇想像中咁好食，因为冇咩关于草莓嘅原素，同埋太多cream搞到好腻，不过个卖相几靓。朱古力奶冻好滑好有奶味，同香蕉红豆一齐都好夹。芒果肠粉嘅肠粉皮好厚，入面嘅芒果都冇走鸡，每一条都有足够嘅芒果。