茶木‧台式休閒餐廳 (已結業)

餐厅好大间，好多枱，设计几靓，但系比较难揾到侍应。台式莎朗肉操饭牛肉嘅做法比较特别，口感几好，煎得好香口，唔韧，容易切开，几入味，冇雪藏味，唔会好咸。卤肉饭份量适中，卤肉嘅份量可以再多啲，用咗比较瘦嘅猪肉整，咸度适中。糖心蛋一流，好入味，流心感觉刚刚好，值得推介。个配菜都好开胃酸酸甜甜。叫咗个拿破仑蛋糕做甜品，上枱嘅时候卖相好靓，蛋糕夹层唔会好林，仲好松脆，配上芒果汁同吉士酱，融合得好好，口感层次丰富，水果清甜。