RBTea (已搬遷) 新店位置

金百利多餐厅就系人都知，贪佢地点方便，每次谂唔到食咩既时候都会去楼下拎传单睇下。上到去发觉间餐厅都几大，每张枱唔会话好近，仲有千秋玩，感觉几chill。朋友迟到，唯有自己研究下有咩食先，发觉原来下午茶买正价饮品1杯, 可以半价买指定食品1份, 有大约10款到，睇落都几吸引。小食拼盘小食拼盘都几丰富，有炸鸡、薯角、香肠同沙律，炸鸡炸得最好，里面肉质仲系好嫩滑。焗忌廉汁肉酱螺蛳粉肉酱份量好多，味道比较岩重口味既朋友 焗芝士白汁烟三文鱼饭超多芝士好正，三文鱼烟熏味好香，食落算新鲜焦蕉朱古力雪糕松饼全晚最惊喜既一道菜，松饼咬落好绵密，外面又有少少脆脆地，加埋浓浓既朱古力酱食落真系一流，成个甜品好邪恶。OREO朱古力冰雪乐味道偏甜，但朱古力味都算浓郁总括而言，食物还可以，甜品最好，但上菜速度好快，快到根本食唔切就已经上晒。