Seoulmate (京都廣場) (已結業)

上網見到有人介紹韓國嘢，心郁郁搵埋友人嚟呢間韓國餐廳食下。一入門口就見到好大幅壁畫，有一部份仲要係親手畫上去好靚。夏天熱辣辣嗌返杯沙冰先，飲落唔係好甜夠冰涼好清爽。紫菜飯卷一條切開咗八件，表面灑上黑白芝麻食落好香口。中間餡料主要係豬肉、紅蘿蔔絲同生菜，口感好結實。最後甜品我哋揀咗個梳乎厘班戟。班戟係即叫即整，上檯時個煎pan仲熱辣辣。Pancake上面擺咗舊牛油，放喺煎pan上溶咗佢點嚟食更加香口。Pancake軟綿綿好鬆軟，切開中間仲流出半溶嘅芝士好正！