法國小屋

营业中

休息中

夜晚去左一间位置几隐蔽既小店食饭，呢间店其实开左好多年，最出名系甜品，不过搬左铺，位置太隐蔽，最近先重新发现。2人套餐 $368套餐都多野食，前菜有田园沙律、瑞士汁鸡翼、千层芝士薯片，主菜以意粉为主，吾同意粉，价钱有不同。最后仲有甜品同饮品，价钱都算ok。田园沙律一碗2人份量，有面包碎粒、沙律菜、蕃茄等，以沙律酱拌菜。饮品可以免费拣冻/热柠茶柠水或柚子蜜。瑞士汁鸡翼有4只，几入味，而且肉够滑。千层芝士薯片系餐厅招牌菜之一，将薯仔切成一片片，再铺成一层层，每层夹杂住芝士、忌廉，焗出黎好香好creamy。明太子蟹肉意粉同样一碟2人份量，望落去劲大碟。明太子酱汁落得几重手。最后系甜品，招牌咸牛油焦糖窝夫，貌相非常大份同靓。窝夫够脆口，咸牛油配忌廉出奇地夹，如果牛油味再重啲就更正。