瑰花甜戀愛甜品屋 (已結業)

高温热辣辣总会想揾个地方乘凉，瑰花甜恋爱甜品屋系一个唔错既好地方，既岩情侣黎，又岩女仔朋友黎。甜品价钱都比一般坊间甜品平，平均三十几至五十蚊左右。呢杯紫薯沙冰色较浅色，冇乜落色素，有少量紫薯味，但零甜味，呢个应该唔会再叫，但其他甜品就可以值得再试。冰村蓝精灵冰露好似蓝色既云柱集结杯中，云团飘浮中，劲靓，而且影左好耐相都冇溶。冰感细滑，微微既荔枝甜味，加上粒粒晶莹剔透一口咬爆既爆珠，食完爽哂。呢个心太软朱古力流心度一般，可以再爆啲，不过切开就好香浓酒味，朱古力浆亦带少少酒甘甜，但耐左就会挥发哂，最好趁早食。呢个意式黄金捞主要都系杨枝金露mix凉粉，芒果够哂香甜，怕食左芒果会湿热冇有怕，仲有凉粉清番啲湿毒，咁就唔怕食芒果啦，哈哈。个糖水食落有啲似酒楼芒果布甸加花奶味道，几有亲切感架。