大飯糖甜品小食屋 (已搬遷) 新店位置

大饭糖系洪水桥轻铁站附近，行3 4分钟就到，非常方便。而且甜品款式好多，中西合璧，仲有雪糖，令我选择困难症又发作啦。首先，食啲咸野先，咖哩拼盆有鱼蛋，肠仔，猪皮，萝卜，我大推猪皮啊，超级入味，而萝卜都好清甜。而肠粉都可以自己落酱料，自己调味。主角黎啦，3.6软雪糕加木糠布甸，雪糕好香奶味，布甸就好绵密，配埋一齐好夹啊。份量亦都好够，2个人分享岩岩好。最后就系超级三兄妹，心太软，朱古力布甸同雪糕。心太软真系好惊喜，佢个流心非常出色，仲有啊外面层蛋糕好软身，加上整体唔会太甜，食成个都冇问题。