咖啡弄 (已結業)

想悠闲咁食个午餐，于是谂起台式cafe，谂起咖啡弄。12:15度去到，唔需要等就可以入座。牛奶冰棒可可亚牛奶系雪成冰棒状，倒入热既朱古力搅匀就成为朱古力奶。要自己动手去制作，感觉系特别啲好玩啲。朱古力奶味道浓郁，好饮。另外，佢有两块朱古力附送。热水果茶佢用lipton茶包，加上好多水果冲泡而成，有热情果、橙、苹果、柠檬同青柠。第一啖饮觉得好香热情果味，但好酸。饮到最尾一杯时觉得好甜，要自己倒啲水入去冲淡一下。草莓冰淇淋松饼个卖相好吸引，士多啤梨大大粒，上面铺满士多啤梨酱，颜色鲜艳。士多啤梨下有雪糕同吉士酱，配埋松饼一齐食，好夹。松饼质地好厚实，如果一个人食晒可以当做正餐，好够饱。总汇三文治份量都几大，有三份三文治。入面有鸡肉、火腿、蛋、蕃茄、青瓜同生菜，好足料。另外，配有芝士粟米片同蛋沙律。总括黎讲食物质素几好、份量好大，最好share黎食。环境方面，枱与枱之间既空间有点窄，隔离枱走既时候，佢条裤掂到我地既食物，唔系咁卫生。