Gaba Concept (已結業)

难得星期日同老公拍拖，最好四围揾下食。我哋揾食大前题系：一、有素食满足我二、有肉食满足我老公于是揾到呢间有Green Menu的Gaba Concept。环境：星期日晚都几静，大约得十个客，装修几简约，环境同座位都宽敞舒服。服务：一入去就觉得好惘然，因为无人主动招呼，要我哋自己走去收银机前揾员工：「唔该，订咗两位」。晚餐全程都感觉无人服务，次次都要挥哂手大叫唔该先有人行来。如果地方太大或太繁忙当然无所谓，但当日咁悠闲一眼望哂全埸，职员都好似游魂咁就真系有点失望。食物：南瓜菠菜千层面南瓜味不够浓，面好韧，一切落去已经变成一pieh野，但整体唔算难食，如果肚饿都会觉得几好味添。甜品Beanpoleon卖相非常吸引，用腐皮来做西式甜品都系第一次试。单食腐皮当然无咩好食，但拌埋入面的custard外脆内软就好好味。上面系菠萝干，外型配搭一流，但口感太韧，我都老公都食到上颚损咗。呢款甜品总算令全晚值回一点票价，不过要等成半粒钟先有得食，都真系等到燥燥地架﹗总结：餐牌选择唔多，我老公仲问我：「点解全部系小食，无main dish嘅﹖」确实系得几款pasta，而且餐牌无分类，有啲难睇。去食甜品系ok