影片
更多
2016-04-28
399 浏览
在尖沙咀附近返工，约左3个朋友食饭。睇食评呢度好似几好，就约左系度食夜晚。set dinner 唔系饮汤就食沙律。我地4个女仔都叫左沙律。个沙律汁好食，但我唔记得左个名。个啲鸡肉系方型，好有嚼口。仲有个醋好正，唔会好酸，有少少甜。质地好得意，系杰杰地嘅汁。我同朋友A叫左食咖哩牛肋骨配南亚薄饼，佢配白饭。另外两个朋友就食炆羊肉配红米饭。我试左少少羊肉，个味都Ok，但羊好膻... 有啲失望。食返自己个咖哩牛，如果辣返少少更好，几惹味，味道偏浓，啲薯仔好焾，好好食。个餐旁边有啲配菜，好开胃，芦笋好窈窕，食落好脆，几鲜甜。本来好期待个薄饼，但佢好油，好薄，用叉吉唔到... 有啲麻烦。餐饮拣左果茶，因为得两款拣，冇理由拣汽水，唔通加20/30元饮特饮咩... 有个朋友饮黑苺蓝苺，其他都饮无花果布冧，我地分黎饮，试下味。3个朋友都喜欢苺茶，我本身都唔太好苺茶，所以我觉得无花果布冧好饮啲，服务生都话布冧多人拣。之后终于食甜品啦～ 未食主菜我地已经谂定食咩甜品。我地叫左3款甜品：芒果绵绵冰配Movenpick 士多啤梨雪糕。绿茶窝夫配Movenpick 朱古力雪糕芒果底。杂果拿破仑。最先解决绵绵冰，因
set dinner 唔系饮汤就食沙律。我地4个女仔都叫左沙律。个沙律汁好食，但我唔记得左个名。个啲鸡肉系方型，好有嚼口。仲有个醋好正，唔会好酸，有少少甜。质地好得意，系杰杰地嘅汁。
我同朋友A叫左食咖哩牛肋骨配南亚薄饼，佢配白饭。另外两个朋友就食炆羊肉配红米饭。
我试左少少羊肉，个味都Ok，但羊好膻... 有啲失望。
食返自己个咖哩牛，如果辣返少少更好，几惹味，味道偏浓，啲薯仔好焾，好好食。个餐旁边有啲配菜，好开胃，芦笋好窈窕，食落好脆，几鲜甜。本来好期待个薄饼，但佢好油，好薄，用叉吉唔到... 有啲麻烦。
餐饮拣左果茶，因为得两款拣，冇理由拣汽水，唔通加20/30元饮特饮咩... 有个朋友饮黑苺蓝苺，其他都饮无花果布冧，我地分黎饮，试下味。3个朋友都喜欢苺茶，我本身都唔太好苺茶，所以我觉得无花果布冧好饮啲，服务生都话布冧多人拣。
之后终于食甜品啦～ 未食主菜我地已经谂定食咩甜品。
我地叫左3款甜品：芒果绵绵冰配Movenpick 士多啤梨雪糕。绿茶窝夫配Movenpick 朱古力雪糕芒果底。杂果拿破仑。
最先解决绵绵冰，因为惊佢溶。好大份，味道不错。不过不失。
之后食窝夫，唔知系咪我食个啲窝夫太难食，我觉得佢个窝夫系外脆内软，食落完全唔觉得济。我之前个啲，好似食紧馒头咁。所以佢改变左我对窝夫甜品嘅睇法。正。
最后，个拿破仑真系好考功夫，因为要切4份。对笨手笨脚的我来说不容易。饼好脆，好容易切，齐辑辑切到4份。好有成功感。吉士唔腻，好滑。
唔洗讲都知Movenpick雪糕有品质保证。
果然甜品才是主菜。价钱与食物质素相符。
最后要讲下服务态度，几好，态度好nice。我地问左啲奇怪问题，回应得几友善。仲叫我地填问卷，希望佢地保持呢个服务态度同甜品水准，可以的话，提升返少少食物质素就更好了。
我地系个度坐左两粒几钟先走，几愉快的一个晚上。
8 浏览
0 赞好
0 留言
张贴
