金源小館 (已結業)

人越大越钟意食下小菜添（唏嘘～）金源冇外观冇装潢，地方唔大，但系门庭若市，除左食物质素之外，应该都系buy呢阵街坊味。山东烧鸡（半只）系呢度名物，侍应将烧鸡上枱后先至淋上大量生蒜同酱汁，好澎湃。鸡肉大部分已去骨，肉质几腍几滑，加埋甜甜地唔太咸酱汁同少少辣的蒜粒，味道丰富，怕口臭者就自己衡量啦。上抽煎中虾非常香口，虾壳都炸脆左，送酒一流。啫啫油麦菜唔驶多讲，好难唔好食。最特别嘅系，呢度的甜品（例如木糠布甸、焦糖鸡蛋布甸⋯）都好多人话好食，拍得住甜品店。如果唔想破费，饭后都会送上糖水，有绿豆沙、豆腐花、南瓜露可选。虽然系送，但制作认真，起码绿豆系煲到起沙、豆花都好滑。值得去指数: