影片
更多
2024-06-23
91 浏览
又喺荃湾觅食，天气有啲热，食返啲泰国嘢消暑。座位都几宽敞，仲有好似屋仔咁样嘅设计。餐厅用QR code点单，一嚟到乜嘢都唔好做住嗌杯饮品先，嗌咗一杯生椰杨枝甘露。之后就开始再嗌食物分别嗌咗个曼谷蟹肉蟹黄炒饭，椰子香茅奶油蚬汤，手打月亮炸虾饼，再加多只烤珍宝手臂大头虾。 食物好快就到， 先嚟系个汤，见到个汤都够两个人饮，仲有好多蚬肉添，蚬肉唔会话干柴柴， 饮落去酸酸地，但亦都有椰子嘅味道，饮完之后觉得好醒神好清爽。 饮落去唔会话有冬荫功咁辣咁刺激，但会有开咗胃口嘅感觉。上菜嘅时候佢会帮我哋用酒精燃烧嘅炉仔去保持温度，等佢唔会变冻。而真系热到系会令到个汤继续冒烟，甚至会起泡泡，当觉得已经好够热嘅时候，仲可以用个煲嘅小机关去熄咗啲火，就唔使特登叫啲店员帮手。之后就系炸虾饼， 炸虾饼又系热辣辣，所以唔好咁快就食，炸虾饼会配上泰式酸辣酱，令到食落去唔会觉得好油腻，咬落去十分之弹牙，唔会话食落去好粉。佢炸嘅火喉骰盅所以食落去唔会话系咁渗返啲油出嚟。除虾饼附送一啲虾片，虾片亦都系非常之脆卜卜，咬落去会有sok sok声。之后就系大头虾，见到佢同餐单一样好大只，虾肉都好够雪白，咬落去都好实净，烧熟嘅程
之后就开始再嗌食物分别嗌咗个曼谷蟹肉蟹黄炒饭，椰子香茅奶油蚬汤，手打月亮炸虾饼，再加多只烤珍宝手臂大头虾。 食物好快就到， 先嚟系个汤，见到个汤都够两个人饮，仲有好多蚬肉添，蚬肉唔会话干柴柴， 饮落去酸酸地，但亦都有椰子嘅味道，饮完之后觉得好醒神好清爽。 饮落去唔会话有冬荫功咁辣咁刺激，但会有开咗胃口嘅感觉。上菜嘅时候佢会帮我哋用酒精燃烧嘅炉仔去保持温度，等佢唔会变冻。而真系热到系会令到个汤继续冒烟，甚至会起泡泡，当觉得已经好够热嘅时候，仲可以用个煲嘅小机关去熄咗啲火，就唔使特登叫啲店员帮手。
之后就系炸虾饼， 炸虾饼又系热辣辣，所以唔好咁快就食，炸虾饼会配上泰式酸辣酱，令到食落去唔会觉得好油腻，咬落去十分之弹牙，唔会话食落去好粉。佢炸嘅火喉骰盅所以食落去唔会话系咁渗返啲油出嚟。除虾饼附送一啲虾片，虾片亦都系非常之脆卜卜，咬落去会有sok sok声。
之后就系大头虾，见到佢同餐单一样好大只，虾肉都好够雪白，咬落去都好实净，烧熟嘅程度啱啱好唔会话烧到过熟， 用差一划已经可以成嚿虾肉拎出嚟，食呢个虾有三个方法，第一个系净系食呢个虾肉，第二就可以点佢隔离绿色嘅酱汁，入面相信应该有啲泰式嘢料理例如金不换，食落去都好清新， 可以清新味蕾。而另一种就系点佢嘅虾头嘅膏，食落去虾膏嘅甘香同虾肉连埋一齐好夹。就咁食虾膏亦都见到佢金黄色，仲有软滑嘅口感，而且唔会话食净嘅虾膏就仲有第二种用法添就系用嚟捞炒饭食。
炒饭方面都非常之大兜，唔会好似餐单上面咁的骰。除咗有蟹籽之外，亦都有蟹肉喺度，捞埋嚟食可以增强口感。炒饭都好有镬气唔会话啲饭黐埋，而蟹肉亦都食得到佢一梳梳嘅口感，唔会话觉得蟹肉好削好梅。 就咁食已经可以食到蟹肉嘅香味，捞埋虾膏食就能够更加令到个炒饭更加香，更加有𠮶种油嘅甘香，捞埋嚟成日都唔会话变得更加腻。
饮品方面我觉得系好有惊喜，佢嘅杨枝甘露唔会话好似出面甜品舖嘅死甜，反而系有一种微甜，令到你唔会话越饮越口渴，而椰奶同芒果都好夹，杨枝甘露好足料，芒果亦够甜，唔会酸。饮落去够晒冻，透心凉！
最后就嗌埋一个甜品，分别系手作黑糖珍珠雪米糍同芒果糯米饭雪糕，朋友同样觉得芒果唔会酸然糯米嘅份量亦都足够，雪糕亦都有两球所以好够饱。好似返咗去泰国食芒果糯米饭咁样。而雪米糍佢就系雪糕上面铺一块糯米皮，隔离有黑糖珍珠之外仲有麻薯。麻薯同糯米皮食落去烟烟靭韧，但系一咬就会即刻断，唔会话咬到牙痛都未咬完。珍珠烟烟韧韧，而黑糖酱嘅份量好适中，可以捞晒成个雪糕之余，唔会话令到成个雪糕太甜。我哋都一至认定雪糕嘅质素都好高。下次嚟一定会再食下佢其他甜品。
张贴
