Sweetology (已結業)

行葵芳其实有好多食物餐厅选择，钟意平食扫街有又得，食贵价餐厅又得！见到呢一间新开嘅餐厅主菜甜品只系几十蚊！又可以坐低慢慢同朋友chit chat! 意粉配埋沙律，再加饮品都唔使＄100！我哋要左两款！茄汁猪肉肠意粉，唔算特别但番茄鲜味浓郁！猪肉肠同埋意粉份量都多！另外一个要咗烟三文鱼卡帮尼意粉，忌廉芝士味好香，唔太漏，三文鱼份量唔多刚刚好。加＄8就可以要一件芝士烟肉焗薯皮，树皮焗得好香脆，芝士味浓！但甜品的确比主菜出色！呢个朱古力松饼好香软！朱古力味雪糕好香浓又滑！松饼好软熟好有蛋味！而且份量好多，二至三个人share都可以！