影片
更多
2012-08-28
841 浏览
两位主角还未出场，唯有拍拍照、四围望吓、研究个 menu 黎打发时间啦。坐正窗口位，感觉开扬，又有街景睇。坐位刚好对正 See through 厨房 ﹗师父们有否会有压力呢？发现原来有露天坐位㖞，不过今晚天气不稳，有骤雨，都系留系室内安全好多，算啦。 酸萝卜，好鬼上海风味，比港式甜好多呢，糖味浓而酸味少。 自家南乳花生，无咩特别，其实平时我都唔钟意食花生既。黎依度就只为只片皮鸭，其中一味招牌菜 ﹗一开波就先食佢啦 ﹗配菜都系青瓜条、大蒜、甜酱、薄饼，但多左蒜泥同砂糖㖞，未试过咁配搭，一定要试试啦。 堂片填鸭，师父刀法如神，快如闪电，手势纯熟狂片 ﹗唔似有些酒楼由侍应操刀，笨手笨脚，片到乱晒龙，厚薄不一、错晒纹路、皮肉比例又差、搞到又干又鞋 ﹗我地 order 左填鸭三食，所以师父要先片胸皮、再片净肉、最后削肉碎啰，都好抵食。 一只鸭有四笼面粉皮，特别靓架㖞 ﹗粉皮好靓好香，又干爽每块分开，唔会有硬块或有孔有烂，好柔软，刚刚蒸起出晒烟热辣辣最正。 片皮三重奏 ﹗第一奏净鸭胸皮，侍应教跟配砂糖同吃。咬落都几似食糖，鸭油跟糖熔埋一层，鸭皮脆口，甜甜地无咩味道，感觉几得意几新奇。好唔好食就见
酸萝卜，好鬼上海风味，比港式甜好多呢，糖味浓而酸味少。
自家南乳花生，无咩特别，其实平时我都唔钟意食花生既。
黎依度就只为只片皮鸭，其中一味招牌菜 ﹗一开波就先食佢啦 ﹗配菜都系青瓜条、大蒜、甜酱、薄饼，但多左蒜泥同砂糖㖞，未试过咁配搭，一定要试试啦。
堂片填鸭，师父刀法如神，快如闪电，手势纯熟狂片 ﹗唔似有些酒楼由侍应操刀，笨手笨脚，片到乱晒龙，厚薄不一、错晒纹路、皮肉比例又差、搞到又干又鞋 ﹗我地 order 左填鸭三食，所以师父要先片胸皮、再片净肉、最后削肉碎啰，都好抵食。 一只鸭有四笼面粉皮，特别靓架㖞 ﹗粉皮好靓好香，又干爽每块分开，唔会有硬块或有孔有烂，好柔软，刚刚蒸起出晒烟热辣辣最正。
片皮三重奏 ﹗第一奏净鸭胸皮，侍应教跟配砂糖同吃。咬落都几似食糖，鸭油跟糖熔埋一层，鸭皮脆口，甜甜地无咩味道，感觉几得意几新奇。好唔好食就见人见志，我觉得还可以啰。
片皮三重奏 ﹗第二奏系传统鸭皮连少许肉卷面粉皮食，鸭肉都几滑而有肉汁，配上青瓜及甜酱都几好味，但好快会滞。不过加埋蒜泥同吃就完全唔同喇，非常香口而带微辛，有消滞作用。我都系第一次配蒜泥食，感觉很好，又香又醒胃。突然令我想起英国开餐馆既舅父，佢会将买返黎既甜酱再加功，加入蒜泥、糖、水及其他香料起镬兜炒，所以特别香、特别好味架 ﹗一般既现成鸭酱都太咸喇。
片皮三重奏 ﹗最后一奏，净鸭腿肉又另一个口感，质感较前两奏为嫩，干爽不肥，鸭味亦较浓，都几好。我同样配蒜蓉，开胃消滞麻。
填鸭两式，第一式系鸭汤，普通鸭清汤，有淡淡鸭肉味，但味道略为单调。暖暖地，免强都好饮既。如果能够加点瓜菜、什菇或粉线点缀一吓会好啰。
填鸭两式，最后二式 ﹗鸭松生菜包，鸭肉碎跟大豆牙碎一齐炒，味道都几寡吓噃，师父要谂谂计先得呀，只系得酱油味、鸭肉味，唔够香呢，依味麻麻地。而六片生菜裁成圆形好骨子，但包包吓先发觉每片都要包好多馅先得，否则就唔够用啊。
腊味煎鱼饼，好似话系顺德菜，唔知系咪呢。腊肠腊肉跟鱼肉打成一团再煎，估唔到非常惹味弹牙㖞 ﹗味道香浓，有鱼味有肉香，好味。食一两件无问题，其实都几腻吓，趁热食，冻左会略咸。
笼仔糯米蒸腩排，我非常非常喜欢依个送，近日经常想食排骨饭，今晚终于可以食到相近架喇 ﹗但朋友们话觉得普通㖞。一打开个笼盖，热腾腾 ﹗糯米既香味立即冲出，好香呀 ﹗糯米轻轻的卷住肉排，杞子将部份糯米染成红色，好靓㖞 ﹗大大啖成旧放入口中，干爽既糯米咽靭软垫包住超腍肉排，肉排肉味香浓又腌得入味，肉汁又丰富，真系好好食 ﹗
姜汁牛松炒饭，突然大家都好想食姜饭，发现 menu 有㖞，即刻 order 啦 ﹗但系同我地想像中差天共地㖞 ﹗啡色既？姜汁炒饭唔系清清地用姜汁同蛋炒咩？炒出黎先会又靓又干爽㖞。依家系湿笠笠既酱油炒饭，我真系食唔到姜味，浓郁既豉油味盖过一切。有点失望，麻麻地。
check 吓个甜品 menu 先，好多特别甜品㖞，我唔食甜野都要试吓先得啦 ﹗依度既甜品都好出名架 ﹗
腐乳芝士蛋糕，见到个名当然觉得新奇又怪异啦，听闻好好味，即管试佢一试 ﹗完全想像唔到腐乳味同芝士味会夹得咁紧要架，撞埋一齐既味道非常香浓，质感幼滑，配埋松软蛋糕真系好好食，搞到我有冲动想买一个返去同大家分甘同味添 ﹗坚好味 ﹗
花雕话梅雪芭，淡淡花雕香味，配上酸酸甜甜既话梅，唔会话好甜，味道好清新，好味㖞 ﹗仲有块卷住既芝麻薄脆，真系劲脆又香口，正㖞。
雪梨杞子菊花冻糕，卖相枥为精致又讨好，但对我黎讲实太甜喇 ﹗好甜呀 ﹗我一向唔食甜野，真系顶唔紧，试一啖够喇。杞子磨成浆倒系表面，好靓㖞，味道甜甜地。而菊花冻糕好似桂花糕，味道都好似，但带超重菊花味道。
五粮液朱古力雪糕，好香酒味，最浓系依个甜品，烈酒配朱古力一向都好好食 ﹗
张贴
