前門飯莊 (已結業)

今日四个人一齐去食晏，近排饮得太多茶（酒楼）所以转左食上海野。呢间有午餐食。我地个个又十点几十一点先食过野，所以就净系叫左两个饭餐。干扁四季豆同埋黑醋排骨！排骨有餐厅既正常水准，唔会话太酸。四季豆都炒得好干种。前菜叫左拍青瓜（蒜味香而且由于系生蒜，偏辣口）同埋辣椒皮蛋（呢个反而唔太辣，皮蛋亦俾醋既酸味中和左）加左个酸辣汤，只叫左一位，因为上次食过觉得麻麻。点知都系无改善既。唔酸唔辣。都唔知点解会系酸辣汤。加左个平时好好食既生煎包。但今日黎到面前一d 都唔吸引。半个包都系油。成个包咬落去都系油。应该短期内都唔会再叫。最后叫左高力豆沙结尾。好有蛋白形做既弹口。豆沙唔系太多，所以唔会话好甜。而甜粉系另上既。可以因个人喜好添加。除左个生煎包好失望之外，最差既应该系某些侍应只顾倾谈，完全无谂过帮我地执野。上甜品果阵都只系想俾几只碟同叉我地。唔叫都无话帮我地执干净张枱。