L.D.K. by Ufufu Café (新都會廣場)

营业中

休息中

𠮶日去新都会𠮶边行街买嘢，买完之后时间都唔早就谂住喺𠮶边食埋饭啦～见到呢间Cafe选择多，同朋友又唔想左拣右拣，就系呢间坐低食啦。朋友嗌左个吉列豚肉佐咖喱饭吉列豚肉嘅外层炸得好似几靓，perfectly golden,豚肉嘅肉都好松软，唔会太硬太鞋，但系咖喱汁就比较稀，同埋偏甜但系又冇乜味，不过都食得出佢啲饭系珍珠米，口感粒粒分明，软硬适中我自己就嗌咗个Double cheese wagyu burger，佢仲跟咗少少薯条同埋菜。个burger OK，个牛肉有汁，但系唔系特别香嘅油脂味，个包都有牛油香，都够芝士。但系薯条就十分油腻，又幼，仲衰过McDonald𠮶啲我哋两个人另外仲嗌左个甜品宇治抹茶蕨饼芭菲，我认为甜品比主菜更出色由抹茶啫喱、抹茶雪糕、抹茶蕨饼、红豆蓉、杏仁饼同埋忌廉制成嘅芭菲，芭菲嘅配料好味，特别系佢嘅杏仁脆饼，十分香脆，雪糕都唔会过甜，抹茶当中带点回甘。