Next Station Dessert (已結業)

同朋友倾计讲开佢食过一间甜品铺既甜品款式好特别，一直都想试，可惜好多时食完晚饭都好饱，一直没机会。今日食果餐晚饭真系未饱，系时候试下！ 餐厅都几有格调，而且坐满晒人，好在仲有位比我地坐。 餐牌既甜品好多都好新颖，有创意，直头好似一件艺术品！而且又未系其他地方食过，都几吸引。 Chocolate Molten Cake心太软配曲奇雪糕表面冇咩新意，原来佢有支管仔插左落心太软度，感觉其实好似打针咁，好得意。至于果枝针，其实系酒，有四只味道可以选(酒心果，朗姆酒，干邑橙酒，百利甜酒)。打左针既心太软食落多左酒味，减低食落去口干既感觉。心太软本身都整得几好，中间流心部分够溶溶，外层松软，水准之作！ French Chocolate Pancake 有三件大大件既pancake，配埋青柠雪芭。朱古力班戟味道香浓，班戟既外层唔会太厚，反而中间既朱古力够多够厚。青柠雪芭够fresh又够轻怡，能够中和香浓厚既朱古力味，这样既配搭一流！其实仲有一个甜品好似试管咁都好得意好想试，可惜已经饱左，留番下次！