茶木‧台式休閒餐廳 (已結業)

我今日放左工，返完学，有D口渴，想饮下冻饮，入左去呢间台式餐厅，因食左饭，本想只叫杯冻饮，但系见到隔离食紧好正咁，真系甜品瘾返晒来，叫左呢个Mango Honey Toast ，真系好鬼正，皆因好大份，有雪糕我(配番Mango味) 加上的芒果酱，棉花糖粒粒，重有系D厚多士呀，食到好鬼有层次，块多士又厚又脆，雪糕好香好滑好有芒味，一个叹到呢，另外重叫左杯冻饮，冻柑桔柠檬，好普通啦，但个甜品好回味，但系价钱我觉得贵左D，但系台式甜品，呢个要赞。另外呢间装修唔错，座得好舒服。