甜品老媽 (已結業)

夏天咁热冇可能唔食甜品喇！讲到甜品，近排去左沙滩玩，之后就经过呢间远近驰名既甜品老妈试一试。首先碗朱古力野全部都系朱古力味，岩哂唔系咁中意食水果甜品既我，朱古力味雪糕再加d细细粒, 一开头以为系凉粉个Ｄ朋友黎，点知爽得黎仲有朱古力味，真系估你唔到! 之后仲食左个士多啤梨世界同窝夫，窝夫一啖食落去，其实话唔好食都系呃你架姐， 入面d料即刻涌哂出黎，真系正到冇朋友。另外仲叫左个杨枝甘露河粉，首先个杨枝甘露好足料，一睇就见到成个面都系料黎，而且个河粉真系超滑，本身以为河粉会冇咩味，点知一食，.........系甜嫁仲要同个杨枝甘露Ｄ味劲ＭＡＴＣＨ！！！！！仲要食完唔会好似冇野落肚咁，会饱饱地。仲要最后埋单果阵仲有奖抽，送多碗糖水俾我地，呢间老妈甜品真系唔话得。一个字，坚系超正呀！