京林屋 (明宮閣) (已結業)

相比于铜锣湾𠮶间分店，呢一间分店嘅位置环境更加阔落，更加舒服，忙里偷闲一下，饮番一杯热茶，食返个甜品，系一个非常之不错嘅选择。呢一杯热嘅培茶鲜奶其实就同我地不嬲饮开嘅奶茶冇乜大嘅分别，都系茶加奶。但系佢嘅茶香就比起红茶香千倍。未饮落去已经闻到佢嘅茶香，香气持久。再加埋鲜奶的奶香，好舒服。蕨饼系我好钟意食嘅一个日本甜品，但系我通常食都系原味，即系透明果一种。今次食绿茶呢个味道感觉都唔错，无我想像中怕苦。但我特别钟意佢嘅弹牙软熟口感，可以做到同日本差唔多。呢一个绿茶蛋卷亦都比我想像中好食，唔知系咪日本嘅甜品零舍唔同呢。食落去嘅蛋糕软身好多，而入边嘅抹茶忌廉好软滑，但又有啲似雪糕，配合得十分之好。