糖太子甜品 (已結業)

一向食甜品都系饭后活动，但系今次经过呢一间餐厅，见到佢有晚餐、午餐、下午茶提供，所以决定一次一石二鸟晚餐甜品一次过系呢一度解决。午餐同下午茶提供嘅时间分别都去到六点钟。由于我哋今日好早食饭，所以我哋选择咗较多粉面类嘅午餐食，选择算多又近十款。我叫左个意式茄酱鸡肉绘意粉，上桌发现份量好足啵，男仔食应该都还ok。蕃茄味都几浓烈，每条意粉都沾左酱，仲加左几块香叶，香气芬芳扑鼻。蛋黄酱烟肉蘑菇长通粉，汁够晒，个sauce好芝士超正，d长通粉吸晒d汁，正。两个通粉都al dente，硬硬地，我自己好钟意。甜品选择都好多，有中有西，有湿有干，有传统有新派。法式焦糖炖蛋拌云呢嗱雪糕， 卖相精致，但焦糖略嫌太厚有d硬。炖蛋保持到滑嫩，一啖暖一啖冻嘅雪糕，仲要系名店出品movenpick梦幻世界，呢个甜品用芒果汁作底，有闸果有爆爆珠有椰果，大集会，啱晒有选择困难症既我。咁既时世咁既价钱咁既质数，值得成为饭堂下次试埋d tea sets先！