甜品革命 (已結業)

4月9日, 食完个煲仔饭漫步到旺角, 呀菲嘅甜品瘾又起喇… 经过见到呢间甜品革命, 里面d甜品好fusion下~ 啱晒我呢d贪心鬼!::: 火燄法式玉桂炖蛋伴雪糕 ::: $35又火燄又法式又玉桂咁搞到我好大期望… 但黎到个卖相真系几求其! 个炖蛋面头d焦糖真系好焦, 食到有d苦… 食落无乜玉桂味, 蛋味亦唔太出, 只有甜味. 配cookies & cream雪糕唔系好夹, 味道都麻麻地, 而且个雪糕兜有水架啰... 由于食完d雪糕同炖蛋太冻太甜, 再食o个三数粒西瓜蜜瓜哈蜜瓜无晒味又无乜质感… ::: 西瓜冰露椰果子 ::: $23西瓜份量几多, 不过只系门面野, 下面嘅流质状雪糕唔似雪糕, 冻冻地一pat野, 好似好多咁, 但系有3大粒椰果喺下面充撑住, 对于椰果麻麻地嘅我地, 都不太接受… 其实佢其他d甜品都好似几吸引~ 但食完个炖蛋之后怀疑佢都系gimmick居多味道麻麻… 其实都欣赏佢d甜品够创新, 但创新之余味道都要好先得架... 食完仲有o个d没完没了嘅$5 coupon, 都唔知仲会唔会有机会用…