Lab Made 分子雪糕專門店 (已結業)

对于经常推出估佢唔到嘅口味嘅LAB MADE 分子雪糕，我每季都期待有咩新口味。知道新概念店LAB MADE CAFE喺荃湾开咗，一有时间即刻嚟试吓。 新店除咗雪糕，仲有饮品选择。朱古力火山$88识得食一定食呢啲。金字塔形「火山」，喺火山口放咗啲好似粗盐咁大嘅食用干冰粒，之后将蜜糖酱倒入去，激烈嘅化学反应,令「火山」口冒泡同喷出大量白烟 ，IT'S REALLY AMAZING!!      一分钟左右一切归于平静，原来火山系朱古力蛋糕，装干冰位系用杏仁味软糕做，所以成个火山都可以食         其实侍应表示呢款甜品新推出，都未定正式名称，而且睇匀所有MENU同店内布置都见唔到相关资料，要好留意先知有呢样新产品。而且每日只准备少量，售完即止。        另外雪糕我哋叫咗椰丝班兰蛋糕$44同腐竹鸡蛋糖水$44。         班兰雪糕洒满椰丝，味道极之像真微甜清新。       腐竹鸡蛋糖水系我至爱，估唔到LAB MADE出呢件口味😆雪糕成型后店员放一小堆芡实喺面，可谓画龙点睛！👍👍啖啖腐竹香加表面嘅鸡蛋浆，真系好似食紧腐竹鸡蛋糖水😋又一次满足视觉同味觉嘅体验。