Mina House (已結業)

见评价咁好，谂住同老公上黎食个甜品buffet庆祝生日，点知由入座开始，已经感觉d侍应生慢半拍。。首先，餐厅内本来得两枱客，不繁忙，已订座但都要等等先入座，入到去枱无setting。其次，因为款式选择少，甜品bar经常呈现十室九空状态，厨房补给好慢，甜品甜度亦太甜。餐具亦欠奉，入座时，发现甜品餐车下无碟，问经理，经理先俾一人一只，然后添加餐车下的新碟。吃小杯甜品，无茶匙，以为系自己蠢，所以打算放只汤匙落去小杯度，但真系放唔入。于是问经理，经理行左成个场先揾到几只返黎，亦无添加返系餐车度。成间餐厅嘅运作未如理想，好似新开张咁，好多甩漏，样样都要问先有，唔明点解有咁人赞好。