添記糖水 (已搬遷) 新店位置

紫薯手抓饼紫薯三重奏($25)每次去台湾必食嘅手抓饼而家系香港都周围有得食啦！但老老豆豆，紫薯嘅又真系未试过，司令今次系天水围揾到尼间小店，梗系要即刻试试啦！小店原来系一间糖水店，但手抓饼嘅热潮都帮佢地带黎唔少人流，老板娘仲好热情咁向大家推荐佢地唔同口味、有咸有甜嘅手抓饼添。等左一阵，热辣辣嘅手抓饼新鲜出炉。紫薯手抓饼松软，而入面嘅紫薯馅料好绵密，并唔系一粒一粒嘅紫薯粒黎架。除此之外，系紫薯入面仲食到有微微嘅姜辣味，好似食紧蕃薯糖水咁。由于司令点嘅系紫薯三重奏，餐牌上虽然标示包有芋圆，但其实入面包嘅系自家制小丸子，食落口感唔错，但作为甜品黎讲就太full啦！所以司令第二次再帮衬就走左小丸子啦，都一样好食，仲平啲添($17)。估唔到街坊小食店都有咁特别嘅手抓饼，司令推介大家都可以去试试。