添記糖水 (已搬遷) 新店位置

很久沒有寫食評，為了支持小店，就寫一篇吧！聽聞嘉湖新北江商場像葵涌廣場，我認為新北江是街市和小店的一個融合，比葵廣更像迷宮，要揾食就要認清ABCD區域。找到了一樓D區的舊店址才見到標示說添記已經搬到地下A區，歇而不捨終於找到了新店。叫了推介的芒果三重奏$36，由於大明珠未準備好，店主提議改為芋圓，試後確實同芒果都好相配，芒果雪糕分量足，加了芒果乾更是畫龍點睛，小小一家店能創造出自家的特色，值得支持。

好耐無去新北江再黎就係食糖水簡左個乳酸味綿綿冰D冰同個味係分開😂水果係放係冰既底然後d 冰仲溶得超級快一半都未食溶晒變水不過可能天氣熱覺得吾太開心🥺🥺/朋友叫左份炸魷魚鬚炸物反而好新鮮 又唔會好難咬開 炸粉好厚又吾咸不過炸粉真係佔晒大多數價錢$20 算係抵食架啦🫠就開心番小小

夜晚打完波，想同啲朋友食翻個甜品，去天水圍ganggang嘅新北江商場度食就最好了。呢間小店都幾難搵，都行咗陣先搵到，因為佢都喺啲好入唔算太起眼嘅地方。叫咗個芒果滑粉食，上面係一啲芒果冰，下面就係啲滑粉，同啲糖水椰奶。撈埋佢地一齊食，佢個芒果味都突出喎，味道唔錯。佢下面個滑粉都真係幾滑，加埋一齊食都幾唔錯，成個味道甜甜地，有啲芒果味，而且冰涼透心，喺啲熱到爆嘅天氣下面食，真係一流。而且價錢合理，夜晚做宵夜一流。

以前小編番開天水圍某處既Pt, 次次一班同事收夜都會不忘去食糖水😌所以肥是有原因的～ 食既係回憶呀😚新北江大家應該都聽過～ （天水圍gang gang 新北江比人恰我驚驚😂）其實新北江都係天水圍一個地標，小編年輕時都經常係個頭玩開架😎🍨 曲奇冰沙 $3x入番正題～呢個甜品一上枱我都嚇親，啲雪糕好似唔洗錢咁😂出面30幾蚊都食唔到3球雪糕啦嘛....真係抵到爛😂 仲有啲脆脆、綿花糖伴碟，啲小朋友食一定好開心🤣不過食完真係肥十磅.... 千祈唔好晚晚都食🤣 太邪惡了🤣🤣🤣不過要同大家講聲，佢環境就真係麻麻，唔好預左坐等好舒服～

每一星期都會食一次既糖水，今日我落去買個外賣，叫左芒椰凍燕海藻麵，雜果西米露，炸薯組，手抓餅（粟米+煙肉），等就等左我12分鐘。拎到返屋企，真心柒既，自己禁錯Food Panda 仲要收左信用卡，即刻打去叫佢唔好整，丫姐好野，即刻話整哂，仲Cut 我線，其實我都係唔想哂野送上黎浪費，都唔肯聽人講野，仲要岩岩親身黎要整咁耐，FP 就咁快，我唔信囉，下次不了，謝謝。問心：糖水係唔錯，心諗小店係值得幫襯，但手抓餅塊皮鞋過包皮，食左一半要投降。但今次比錢買難受，唔會再幫襯，Bye!

口痕痕想食甜品，又唔想食連鎖店，揀左呢間隱世小店！芒果三重奏！故名思義，由三重芒果組成！第一重！大大球芒果雪糕！第二重！芒果爆爆珠！第三重！真係芒果既芒果肉！其實佢應該叫四重奏，因為仲有啲芒果乾！平民小店，實力非凡！

同個friend食完burger， 其實已經好飽😮但係仲想傾計🤔唯有去食埋糖水😋新北江都冇乜糖水舖揀唯有食呢間， 環境講真唔多討好，不過我相信可以坐得耐🤣睇下個餐牌，都算多選擇喎😶一睇就睇中佢個芒果三重奏😉跟住個職員拎埋個menu過嚟竟然有炸壽司~一定要叫黎試下啦略嫌dry 咗少少， 如果中間有啲沙律醬， 相信會更好~有驚喜嘅就係呢個啦😍 雪糕好滑好香芒果味👍除咗有大路嘅芒果肉、大明珠之外，亦都有比較少見嘅芒果乾😚令到成個甜品更加有口感🤩呢度除咗環境差咗少少之外~無論食物嘅價錢、款式都好吸引😏會再嚟😈

新北江既選擇好多😌店舖主張少甜健康糖水😍😘叫左三款試試佢😏芒果3 珠：（不錯👏🏻）大中細既西米加椰汁芒果水晶涼粉：（大讚大愛會encore 😍😍😍😍）有別於黑色既涼粉，因為佢係白涼粉，少左一份回甘苦，多左一份清新。薑湯小丸子：同我地平時想像既小丸子有d 唔同，佢既大小係湯圓般，但由於佢係無餡既，所以感覺少許不似預期🤫等糖水既同時見到😽☝🏻有炸雞軟骨😛當然叫左一份😌好味既，唔會太厚炸粉👏🏻不錯的小店支持😝☝️

剛剛吃了不太好吃的，也吃了好吃的。先說好吃的吧! 原本吃了碗魚湯墨魚麵，但份量太少，我沒有飽足的感覺，唯有再去買我心愛的手抓餅🤣補充我餘下未飽的空間。添記糖水的手抓餅比糖水甜品出色，所以每次我只買手抓餅。坊間賣紫薯口味的手抓餅已非常少，有紫薯粒配料更少，所以喜愛紫薯的切勿錯過這裡的紫薯手抓餅。我喜愛鹹甜口味的餡料，所以選了肉鬆，煙鴨胸與紫薯，大家應該覺得很奇怪的搭配吧😂這可不奇怪，而且搭配得很。酥脆的紫薯手抓餅包裹著綿密香甜的紫薯，鬆軟的肉鬆，飽滿的鴨胸，滋味無窮。

好多小食可以簡呢！我之前都買過一份12蚊炸鱿鱼，味道都好好食，但份量就少左d。我買嘅小食，薯枣！12蚊有15粒，都幾抵食！新鮮炸完，香噴噴，聞到就令人忍唔住要開餐啦！小薯枣炸得好靚，金黃色嘅！閃令令咁，脆到爆炸，勁好食，又香口，肚餓嘅時候食簡直係停唔到口，停唔到手，好讚！

紫薯三重奏 $25食完韓食，梗係差啲，差個甜品😋入得天水圍，想試啲少見嘅野！紫薯，今期流行，但紫薯手抓餅，蘋果乾我未食過呀😆大約十幾分鐘腳程，到咗天水圍嘅新北江商場，感覺好似啲社區商場：雜貨店，有，買餸，有，要花，都有，電子產品，美甲，台式飲品，時裝店，都有！！第一次黎嘅真係搵鋪頭都要番啲時間，商場大之餘，人多，好多鋪頭，好多巷仔，就算有鋪頭號碼係易搵啲，但都要都轉呀轉搵呀搵⋯終於搵到添記😂😂都好多學生黎幫襯，紫薯產品有：紫薯餅底+紫薯原粒（$17）或者紫薯三重奏：紫薯餅底+紫薯圓+紫薯原粒（$25）。反正差個$8，試個紫薯全餐！比少少耐性，製作需時（我都等咗好一段時間⋯）唔，老實講，賣相就一般，一個手抓餅包住一大堆紫薯，上面仲有芝麻做裝飾。但本土小店，賣相唔係重點，試下味道先！紫薯餅底都真係食到微弱嘅紫薯味，表面個層都略帶脆身，但真係好油，用紙巾包住咗但隻手都仲油😅；啲紫薯原粒就好實在，口感好似紫薯泥（但啲紫薯原粒質感係再實啲），食落暖口並帶帶點紫薯香；最後$8差別嘅紫薯圓⋯唔⋯最唔好食嘅就係依個，唔好以為好似小丸子咁，佢唔係，都唔好以為好似啲台式珍珠咁，佢都唔係，食落唔彈，好似食緊

手抓餅🌮 ($25)好耐以前已經介紹過呢間小店既紫薯手抓餅🍠，今次又試下原味先。配料簡左芝士🧀、肉鬆同午餐肉🐷，加埋沙律醬。等左五分鐘左右就有得食啦，所有手抓餅都係即叫即整，拎上手熱辣辣，配料好多，午餐肉都有兩大塊，加上半融既芝士同鬆脆既手抓餅，幾淫賤😋。但司令覺得沙律醬可以更多，應該會更惹味。

一向是捐窿捐罅覓食嘅我，一早就喺中學時期就知道添記嘅存在亦當然無逢又新野都去嘗試老闆娘嘅心機今次出嘅紫薯甜品，絕對是無hea嘅成份，只有花心機同心思嘅暖意首先講下紫薯3重奏，話明3重奏，裡面有紫薯味嘅手抓餅，紫薯丸子同紫薯粒熱愛紫薯嘅朋友萬勿錯過＼(^o^)／口感好豐富，手抓餅嘅鬆脆，丸子嘅煙韌同紫薯粒嘅軟熟，完全係1份為冬天而設嘅作品飲品方面，薑汁紫薯冰沙，因為紫薯5係1樣味道重嘅食物，店主加了暖身嘅薑汁令口味多1層，冰沙5會太凍，同時又咬到薑絲紫薯小粒同碎冰，真材實料現叫現造

雖然佢係食糖水既舖，不過小食反而仲出色。今次叫左個手抓餅，即叫即整，配料選擇多，我揀咗芝士加肉鬆，要沙律醬，份量多，拎上手熱辣辣。食落咸香十足，每啖都充滿肉鬆，一開始食，最熱既時候，芝士仲拉到絲出尼啊！加埋比得多既醬料，帶少少甜味，反而中和到肉鬆既鹹，非常好食。如果想試特別啲既野，可以揀紫薯餅添，甚至可以揀紫薯做餡，我見都幾多人食架，下次一定要試下。

紫薯手抓餅紫薯三重奏($25)每次去台灣必食嘅手抓餅而家係香港都周圍有得食啦！但老老豆豆，紫薯嘅又真係未試過，司令今次係天水圍搵到尼間小店，梗係要即刻試試啦！小店原來係一間糖水店，但手抓餅嘅熱潮都幫佢地帶黎唔少人流，老闆娘仲好熱情咁向大家推薦佢地唔同口味、有咸有甜嘅手抓餅添。等左一陣，熱辣辣嘅手抓餅新鮮出爐。紫薯手抓餅鬆軟，而入面嘅紫薯餡料好綿密，並唔係一粒一粒嘅紫薯粒黎架。除此之外，係紫薯入面仲食到有微微嘅薑辣味，好似食緊蕃薯糖水咁。由於司令點嘅係紫薯三重奏，餐牌上雖然標示包有芋圓，但其實入面包嘅係自家製小丸子，食落口感唔錯，但作為甜品黎講就太full啦！所以司令第二次再幫襯就走左小丸子啦，都一樣好食，仲平啲添($17)。估唔到街坊小食店都有咁特別嘅手抓餅，司令推介大家都可以去試試。