蘇山雞飯

营业中

休息中

收到风知道最近餐厅推出咗「火焰酱香椰子鸡窝」套餐，就拿拿临约老公过嚟品尝吓啦。呢间餐厅喺我地经常出没嘅地点附近，已经帮衬过几次，系属于平民价钱嘅东南亚菜。最近天气都几清凉吓，点个鸡窝暖吓身先。见到侍应遮遮拎住个煲同埋啲工具送到我地张枱。有个好得意嘅沙漏装置，上面写住＂Susan教你食椰子鸡：先影相再饮汤最后先食鸡＂搞到我好鬼期待添。睇见侍应遮遮点起个火，再淋啲酒落去个煲盖等佢烧著，酒精即时引发火焰！此乃危险动作，小朋友切勿模仿！等到个沙漏流晒差唔多五分钟左右，侍应遮遮再送上油饭及配料俾我地。打开锅盖，好香椰子味呀！呷啖汤，好清甜嘅椰子汤，忍唔住饮咗一大碗。汤面浮起少许鸡油，但不致于太油腻。窝里的鸡肉好嫰滑，我地三扒两拨就ＫＯ咗个椰子窝。跟住送上嘅特色小食拼盘，全部即叫即炸，送到枱面上仲系热辣辣。特别推介脆炸凤尾虾卷，真系好香脆，两条真系唔够喉呢！最后再嚟多份星洲叻沙掺掺，料头充足，汤鲜味浓，又系忍唔住饮晒啲汤，哈哈！又系大满足嘅一餐！