莆源冰室

营业中

休息中

今晚一个人自己食饭又唔知想食乜，结果做完嘢行过呢睇吓有咩餐厅，见到呢间舖入边都算有啲人气，相信出品应该唔差，所以入去试试，$48一个晚饭包一杯饮品。性价比都算OK吧！见到佢有焗猪扒饭谂起大xx𠮶啲，又即管试下呢间得唔得，结果嚟到卖相过关，啲饭都一粒粒，但系啲汁太多，对于一啲想减肥嘅人嚟讲，呢个都系一个充满罪恶感嘅饭。猪扒算多亦都唔硬，味道甜甜酸酸，如果汁减少啲啲就更好，而且个茄汁比较甜，明显系糖份比较多，所以好邪恶。另外蔬菜只有几粒菠萝，1.5片蕃茄，碟头饭唔够菜食，偶然一次还可以。杯咖啡系普通茶餐厅水准，没有惊喜。