莆源冰室

营业中

休息中

2個人入去食叫左3個餐，午餐A金針雲耳蒸滑雞，一隻雞有2隻雞翼尖都俾晒我，全部都係骨真係晒利，食都唔食，直接叫過第二個餐肉絲炒麵，最唔伏㗎餐，係正常，無乜味，已經算唔難食都ok,第三個常餐，蕃茄牛肉米配黑松露炒蛋，奶油豬，牛肉唔得，米粉算正常，黑松露炒蛋，唔見咗啲黑松露，個炒蛋除左油味食完全無蛋味，奶油豬，用爐叮到成個硬晒，即使隔左一個星期都無人知，但食得出一望中間就知你個包係隔夜啦，呢間嘢真係不知所謂到一個點難食到小出黎，唔會再試

#終於係星洲炒米 材料足料，不過因唔食蝦所以一粒蝦仁都無食。下次都係叫佢走蝦仁算😂 好似用左新竹米粉，所以相對米炒較幼。不過唔影響口感。另外，配菜都足料。起碼痛洋蔥、叉燒絲等 其實幾中意食有咬口既洋蔥不過美中不足係無蛋花😂但 冷氣唔夠涼

叫外賣平台, 我有喺openrice 睇下佢哋啲嘢個款先，咁睇落okay 咁就叫。我叫咗忌廉芝士焗海鮮飯，因為有羅宋湯同餐包好耐無食想食，仲要咗凍奶茶。勁呀，羅宋湯就無事嘅 餐包都無事，咁好難有事嘅係咪? 凍奶茶先勁，我叫少甜姐，唔係走甜，少少甜都無咗好似，但唔緊要，最重要要有正常嘅茶味，港式奶茶要有嘅都無，奶茶都未識沖唔好學人叫茶餐廳啦!!!! 個焗飯先勁呀，可以無味架成個汁，好難先做到。焗飯係炒飯底，佢可以做到連個炒飯都係無味架喂，姐係你唔識調味唔識整就唔好格硬做啦，無心機做食物又係。成個餐我俾外賣平台要成百蚊但換咗得黎嘅只有個湯係正當. 好好波呀，可能佢小菜會好嘅，但個焗飯咁都推得出黎俾客，我真係唔會試你啲小菜喇，唉，無心機做食物就唔好做啦。

今晚一個人自己食飯又唔知想食乜，結果做完嘢行過呢睇吓有咩餐廳，見到呢間舖入邊都算有啲人氣，相信出品應該唔差，所以入去試試，$48一個晚飯包一杯飲品。性價比都算OK吧！見到佢有焗豬扒飯諗起大xx嗰啲，又即管試下呢間得唔得，結果嚟到賣相過關，啲飯都一粒粒，但係啲汁太多，對於一啲想減肥嘅人嚟講，呢個都係一個充滿罪惡感嘅飯。豬扒算多亦都唔硬，味道甜甜酸酸，如果汁減少啲啲就更好，而且個茄汁比較甜，明顯係糖份比較多，所以好邪惡。另外蔬菜只有幾粒菠蘿，1.5片蕃茄，碟頭飯唔夠菜食，偶然一次還可以。杯咖啡係普通茶餐廳水準，沒有驚喜。

新蒲崗～絕少踏足的一區！莆源冰室～聽似普通的茶記一間！友人約噚晚飯局～心諗：What⋯新蒲崗➕茶餐廳，唔係啩，碟頭飯🤔🤭哈哈～去到先知自己孤陋寡聞，家陣只要你電話溝通預約，有啲茶記隨時可以變身私房😋😘是晩菜式：1）白灼大蝦：老闆不停道歉，原來話有兩隻蝦唔太新鮮喎～老實2）豬肚煮蜆：老闆話蜆夠大隻新鮮，應該冇沙，㸃埋佢哋嘅秘製辣油⋯嘩～勁掂呀3）鐵板豬膶桶蠔：老闆話計算下我哋一筒桶蠔唔多夠，建議打孖上～細心4）蕃茄蠔仔蛋花湯：看似平平無奇，但飲落超甜😋訪問老闆，佢話係家鄕煮法，絕無味精㗎～驚喜5）炸小魚：好似話係沙鑽，肉質嫩滑～I like6）避風塘炒蟹：賣相一流～但我冇食，唔知味道如何7）啫啫通菜：菜好鮮嫩，加上好少嗌咁樣煮，又唔使預訂～感覺特別好味8）椒鹽豆腐：外脆內嫩，正！呢個毋須預約，更加正👍豉油王炒麵，我們的至愛，炒得夠油夠味，清碟！雖然今晚冇甜品作結，但件牛油多士，口感一流⋯於我而言，真係錦上添花！看似簡單的一頓，多謝友人悉心安排，老闆廚師對美食的要求，令我食得開心又滿足！後記：哈哈⋯今晚仲認識左隔籬枱三位美女新朋友，大家交流吓吃的心得！佢哋推介咗呢度嘅椒鹽鮑魚同粉絲扇貝～嘻

甚少會去新蒲崗，之前來過兩三次，都是為了「得龍」。「得龍」光榮結業之後，就更加沒有理由去新蒲崗。今日也因為有事情要辦，才迫於無奈在新蒲崗食晏。始終只是一個老區，又沒有什麼已經完成的大型重建計劃，除了一個較新的「Mikiki」商場之外，大部份都是街坊小食肆，於是就隨便揀了「莆源冰室」。精選午市套餐及即炒粉麵飯套餐實在非常抵食，包例湯或者熱飲只需要 $44。好食的乾炒牛河首要條件是油潤而不油淋淋，望見眼前這一碟XO醬乾炒牛河（$44），不用試味已經知道唔達標。河粉表面太乾涸，缺少一份油光。始終只是茶餐廳出品，當然也不能太過苛求；但入口實在太乾、唔夠軟滑，亦欠缺味道。牛肉表面有少少焦香，以為會好味一點，但原來更加差勁，冇味道之餘、甚至有點「辣脷」。唔係話好辣的意思，而是牛肉下了太多鬆肉粉梳打粉之類的添加劑，變得完全沒有肉味之餘，更是過分脢軟，甚至嚴重刺激舌頭味蕾的差勁味覺。相比之下，干炒豬扒公仔麵（$44）較為出色。份量夠大碟，估計最少有1.5個公仔麵餅，炒得夠乾身之餘又不會太硬、亦沒有油淋淋，明顯炒得好過乾炒牛河。半煎炸的豬扒香口、啖啖肉；雖然肉味一般，勝在鬆軟、唔嚡。後記：離開之前翻查一

莆源哩個鋪轉咗幾個老細，今次落去幫襯，又轉咗裝修，相信又轉咗老細.中意去莆源，全因為正正門口就有電單車泊位，今晚睇完戲，咪揸車落去幫襯吓囉.企係門口見佢收10點，正想轉頭走，門口有位哥哥話收11點，再望望，門口大大張紙介紹羊腩煲新上巿，好，就試試哩個雙冬羊腩煲！成兩百幾蚊羊腩煲對於我哩個窮鬼黎講，唔係平，又睇吓咩料先！話就話羊腩煲，其實成個鑊放上枱，無煲！先試試個湯底，濃郁，唔錯.我食羊腩煲，好多時落嘅配料只係支竹，雙冬比較少食，我口味更中意雙冬，雙冬即係冬菇同冬筍，而莆源嘅雙冬份量都唔算少，冬菇炆得入味夠冧，掂！羊腩入味唔韌夠冧，有d重有骨髓，份量亦唔少，滿意啦！最后，原來門口果位哥哥係老闆，佢話如果羊腩煲好味的話就推介俾朋友，佢唔知我寫開食評，咁我今次就推介一下啦！