鮮芋仙 (已結業)

附近开左间鲜芋鲜，咁耐以黎都坐低食过。间中会外卖饮品，个人最钟意小芋圆奶茶，仲系热嘅，冬天时饮暖笠笠，茶底几够奶香，要求小甜都绝对做到，仲有细细粒BB芋圆，烟烟韧韧，不错。今日见唔系太多人，可以坐低食个下午茶。芋圆3号 ＄45冰芋圆有刨冰底，3号配料有红豆、花生、珍珠，仲有一堆芋圆。冰底实在够冻，红雨同花生相当腍，甜甜地，芋圆都系烟烟韧韧，不错。抹茶布丁配小芋圆雪糕 ＄38呢个布丁拼盘可以自由配搭，抹茶布丁有淡淡茶味，配红豆不错。最钟意小芋圆细细粒，冻食比热食更加QQ，可以捞埋雪糕一齐食。甜甜的下午茶。