影片
更多
2012-08-08
290 浏览
一直想试, 今晚终于有机会. 呢到走型格简约路线, 黑色为主, 木色为辅. 中央悬挂一团红色嘅"辣椒"状装饰.呢到只有一个服务员讲广东话, 有一个印巴籍, 其余都系韩籍. 所以预咗要讲英文.客源主要系韩国人.睇完餐牌, 计过条数二人餐实在抵食. 两条HEA精就叫二人餐. Dinner Set B. $352/两位.前菜南瓜粥+韩式猪肉炒粉丝南瓜粥有D杰, 好清淡, 有D咬口, 因为米唔系好散, 南瓜本身味道都好淡. 如果系病人就啱食 XDDD粉丝好香麻油味, 猪肉好少. 粉丝好QQ, 夹果时成日都拉唔断. 有样唔好嘅系, 只碟太窄长, 一夹就好易落D猪肉出来. 唔方便,四式伴碟泡菜偏酸唔辣, 我自己就麻麻. 豆芽都系唔辣嘅,翠玉瓜同菇就清清地. 总括来讲伴碟无睇头, 同老牌韩食无得比.返到屋企睇番相, 先记得MENU上写明六式伴碟, 睇来我地食少两味 XDDD韩式杂菜沙律呢个就神奇喇. 话系韩式, 但系完全无dressing.....净菜.....可能韩式系咁???唔知比咩评价了.....主食石头饭我本身唔系十分喜欢食石头饭, 尤其好怕热到舌头受苦果种. 服务员会帮你拌匀辣酱面酱. 只
一直想试, 今晚终于有机会. 呢到走型格简约路线, 黑色为主, 木色为辅. 中央悬挂一团红色嘅"辣椒"状装饰.呢到只有一个服务员讲广东话, 有一个印巴籍, 其余都系韩籍. 所以预咗要讲英文.
客源主要系韩国人.
睇完餐牌, 计过条数二人餐实在抵食. 两条HEA精就叫二人餐. Dinner Set B. $352/两位.
前菜
南瓜粥+韩式猪肉炒粉丝
南瓜粥有D杰, 好清淡, 有D咬口, 因为米唔系好散, 南瓜本身味道都好淡. 如果系病人就啱食 XDDD粉丝好香麻油味, 猪肉好少. 粉丝好QQ, 夹果时成日都拉唔断. 有样唔好嘅系, 只碟太窄长, 一夹就好易落D猪肉出来. 唔方便,
四式伴碟
泡菜偏酸唔辣, 我自己就麻麻. 豆芽都系唔辣嘅,翠玉瓜同菇就清清地. 总括来讲伴碟无睇头, 同老牌韩食无得比.返到屋企睇番相, 先记得MENU上写明六式伴碟, 睇来我地食少两味 XDDD
韩式杂菜沙律
呢个就神奇喇. 话系韩式, 但系完全无dressing.....净菜.....可能韩式系咁???唔知比咩评价了.....主食
石头饭
我本身唔系十分喜欢食石头饭, 尤其好怕热到舌头受苦果种. 服务员会帮你拌匀辣酱面酱. 只蛋系8/9分熟放系最上, 唔系生嘅.呢到嘅石头饭, 面酱味好出, 加埋偏甜少辣嘅酱, 好好味呀! 而且饭应该系日本米, 加埋又唔系劲热, 平时晚上尽量戒淀粉嘅我, 竟然食咗好多! 赞!
汤
辣海鲜豆腐汤
海鲜唔算多, 亦都好细粒, 主要有3只虾毛仔, 3-4只蚬, 极少八爪鱼脚仔. 汤算鲜甜, 都系唔多辣. 我觉得唔错肉食
香辣杂菜炒猪肉
可能大家杂菜嘅定义唔同, 对我来讲就唔算系杂菜 --洋葱, 大葱, 辣椒. 酱甜甜辣辣, 猪肉就好肥好多膏, 我就喜欢瘦肉多D XDDD. 不过味道系好嘅甜品
芝士蛋糕
芝士味似系卡夫费力芝士. 奶味淡带少少酸, 唔甜, 唔腻. 饼干底. 呢种味唔系我喜欢的, 肥妹仔就话佢钟意.饮品
柠茶柠水咖啡奶茶. 我地叫冻柠水 XDD
服务
唔知点解, 间间韩食嘅韩国员工都COOL COOL地, 都唔会好好笑容. 呢间都系咁, 不过佢地都算helpful. 好似我影相, 佢见到就好醒叫我影了个石头饭先, 之后佢先拌匀个饭.
总结
如果系一心要食到喷火嘅, 你地一定会失望. 但如果你地喜欢少少辣又带甜嘅, 呢到就啱你喇
张贴
