影片
更多
2023-01-05
805 浏览
今个圣诞想「甜一点」，所以去咗呢间舖头买咗三款圣诞限定嘅糕点试试(๑˃́ꇴ˂̀๑) 呢三款糕点除咗外表精致之外，味道都唔错，连平日少食甜嘢嘅我都觉得性价比几高～✎ 红桑子云呢拿朱古力慕丝蛋糕 - 件表面朱古力片苦苦地，食到入面味道变得酸酸地，当中仲夹杂住一颗颗红桑子粒，口感层次提升，底层系饼底，类似消化饼质感。呢款整体嚟讲以微酸微苦为主，呢款我觉得最好食( ˶ˊᵕˋ)੭♡✎ 红桑子朱古力挞 表面红色上层周围摆放咗一啲白朱古力片，而边边位就满布椰丝，食落甜甜酸酸，食到入面会食到朱古力cream，口感略带微苦，愈食愈入仲会试到少少红桑子cream，相反个味道劲酸。糕点中间以薄片白朱古力分隔两种口感，下面有松软质地嘅挞，盛载住酸酸地嘅红桑子cream，cream入面仲夹杂咗一啲桑子粒，以增加口感。整体味道以甜甜酸酸为主，食落一啲都唔腻，反而少许开胃。✎ 开心果朱古力挞 迷你圣诞树嘅造型，顶部星星系以味道好苦嘅朱古力制成，中间绿色系开心果嘅cream，开心果味道非常浓郁，口感幼滑，侧边以口感爽脆嘅圆形粒粒做装饰，味道各有唔同，有啲酸，有啲甜，似白朱古力味，开心果cream 分两层，以两片薄切黑朱古
✎ 红桑子云呢拿朱古力慕丝蛋糕 - 件
表面朱古力片苦苦地，食到入面味道变得酸酸地，当中仲夹杂住一颗颗红桑子粒，口感层次提升，底层系饼底，类似消化饼质感。呢款整体嚟讲以微酸微苦为主，呢款我觉得最好食( ˶ˊᵕˋ)੭♡
✎ 红桑子朱古力挞
表面红色上层周围摆放咗一啲白朱古力片，而边边位就满布椰丝，食落甜甜酸酸，食到入面会食到朱古力cream，口感略带微苦，愈食愈入仲会试到少少红桑子cream，相反个味道劲酸。糕点中间以薄片白朱古力分隔两种口感，下面有松软质地嘅挞，盛载住酸酸地嘅红桑子cream，cream入面仲夹杂咗一啲桑子粒，以增加口感。整体味道以甜甜酸酸为主，食落一啲都唔腻，反而少许开胃。
✎ 开心果朱古力挞
迷你圣诞树嘅造型，顶部星星系以味道好苦嘅朱古力制成，中间绿色系开心果嘅cream，开心果味道非常浓郁，口感幼滑，侧边以口感爽脆嘅圆形粒粒做装饰，味道各有唔同，有啲酸，有啲甜，似白朱古力味，开心果cream 分两层，以两片薄切黑朱古力分隔，底层系开心果cream同挞。整体嚟讲开心果味道略重，味道都算唔错嘅。
红桑子云呢拿朱古力慕丝蛋糕 - 件
$55
17 浏览
0 赞好
0 留言
红桑子朱古力挞
$50
41 浏览
0 赞好
0 留言
开心果朱古力挞
$50
45 浏览
0 赞好
0 留言
张贴
