下一站...甜品 (已搬遷) 新店位置

最近成日周围去食甜品，以前多数都系试尖沙咀/旺角嘅甜品店，因为方便食完晚饭响附近随意拣间黎试。但之前近X'mas时同朋友食完饭，又想揾甜品食，就跟左佢地车黎佐敦文英楼附近呢间 "下一站...甜品"。第一次，叫左个三色焦糖炖蛋， 可以一次过试晒几只味道......食呢个甜品系有次序架，老板好有心机咁介绍: 要先食青柠味(前)，跟住食伯爵红茶味(中)，再黎呍呢拿味(后)。因为味道又清至浓，如果唔顺序食就食唔到真正嘅味道。个人最喜爱青柠，够Fresh唔会好甜，少少酸好开胃...伯爵红茶同埋呍呢拿就比较浓味，味道都唔错，但食得多会有d漏....所以第二次再去都系为左个青柠焦糖炖蛋 单叫一款口味嘅size大少少，另外配多个雪糕球。另外，再叫左个柠檬白朱古力焦糖炖蛋......(无错，又系焦糖炖蛋)白朱古力味好重，好彩有柠檬味中和番，如果钟意食甜到漏嘅朋友应该okay~ 但我就食少少就够啦~仲有好多其他款式嘅甜品，下次再黎会试下!