Never Too Late Dining (已結業)

二月份系情人节嘅月份，食个情人节套餐，好浪漫喔💕！系众多嘅选择拣左连个名都有意思嘅NEVER TOO LATE DINING！佢个套餐劲丰富，由头盘到甜品都好足料，比正常二人份量多，其实三个人食就啱啱好！头盘有蕃茄汤配面包汤杰浓味，再配法式嘅餐包，为套餐来个好开始！杂锦冷拼盘(烟三文鱼、巴马火腿、冻肉肠、蒜蓉包) - 啲冻肉正常味，最突出系个蒜蓉包，劲重蒜蓉味，好味㖞！凯萨沙律 - 都ok，料足份量足！主菜1: 烧日本珍宝帆立贝蟹肉意大利饭两大粒帆立贝加蕃茄汁嘅意大利饭，虽然唔太觉有蟹肉，但呢个热辣辣，再配蕃茄汁唔觉腻，都唔错㖞！主菜2:烤安格斯西冷扒西冷扒7成熟啱我口味，肉味浓，再配个烧菠萝，即刻清新不少！主角系甜蜜蜜嘅邪恶朱古力火锅，系一个简单版嘅朱古力火锅，呢个系比较少见嘅跟餐甜品！虽然到尾已经好饱，但甜品胃启动，再配少量生果开胃不少！食完劲饱，满满幸福喔！