Goobne Chicken (瓊華中心)

营业中

休息中

因为不嬲都好钟意食呢间野嘅烤鸡，所以就约咗朋友嚟呢度食午饭。嚟得呢度就梗系要食下佢嘅烤鸡啦，发现menu有两款新菜式，UFO fondue烤鸡同埋蜜糖香滑烤鸡。本来我系想叫UFO fondue烤鸡，因为好钟意食fondue。点知佢竟然话今早仲未有，所以就退而求其次试一试蜜糖香滑烤鸡。另外在带多啲凯撒沙律清一清肠胃。啲嘢饮好快就到左，我个杯蓝莓刨冰唔错。唔会太甜饮洛口真系有蓝莓喺里面做嘅刨冰个凯撒沙律比较一般冇乜特别，有少少失望。不过讲真佢都唔系主角所以冇乜所谓啦。等左一阵之后，期待已久嘅蜜糖香滑烤鸡终于嚟啦！我哋𠮶日比较懒所以叫咗无骨嘅。咬落口真系唔错啖啖肉。最钟意嘅就系佢有蜜糖之外仲有淡淡的Mustard 味，所以唔似一啲嘅蜜汁鸡翼咁甜到漏，唔会有过火嘅感觉。我觉得佢烧烤直接食就够晒味，完全唔使再点佢俾埋嘅酱汁。不过如果再钟意重口味少少啲嘅朋友都可以再点酱汁嘅。鸡肉咬落去多汁唔会烤到干晒。食完呢个之后因为喺后边不对播放关于UFO fondue嘅广告，搞到我真系好想食。我谂我要再返到嚟一次。