甜蜜蜜甜品專門店 (已結業)

今天同朋友出街，醒起LEE边有间好出名嘅甜品店叫甜蜜蜜，一听𠮶名就觉得好SWEET，决定过嚟甜蜜蜜HIGH TEA，来到甜品店见到好大一条长龙，排咗20几分钟先到我哋，坐低之后点咗我至爱嘅朱古力味梳乎厘，松松软软嘅口感，食落口又唔觉得太腻，配上嫩滑冰凉嘅雪糕，入口即化，正到无得弹！杨枝甘露如果平时一个人食嘅话分量刚刚好，不过我哋两个人点咗几个甜品，所以一齐SHARE，感觉味道唔算太出众，就唔重点推荐比各位了！之前都有听讲过甜蜜蜜嘅冰火芝士木糠布甸，今天试咗一下，表面食落好似喺蛋白焗嘅，配上一圈热热嘅芝士汁，中间有柠檬味冰冰地，有D似地雪糕嘅FEEL，食落同梳乎厘一样唔会觉得好腻；甜品食三两样其实已经足够，再继续食嘅话会开始甜腻，反而错失品尝美味嘅机会，于是我哋留返下次有机会再来试距同样好出名嘅心太软；最后一道甜品点咗炸香芒春卷伴芒果沙巴翁，睇上去十分精致，单系卖相已经食欲大增，外皮微热，咬落香香脆脆，入面嘅芒果雪糕冰爽可口，酸酸甜甜，用来做压轴甜品就至岩喇，食完完全唔会觉得饱饱济济！总体来讲今天嘅HIGH TEA虽然人好多，但食得好满足，下次有机会再过来帮衬！