甜之迷 (已結業)

去完楼上的佳宁娜开餐，有朋友话楼下有间新开的甜品店，不如落去试下。个场装修得好靓，好少有甜品店有咁大间，最紧要唔使背贴背，坐得舒服。女仔都是贪心，想试多d款又怕肥，叫咗几个一齐食，女侍应无嫌我哋吱吱喳喳，主动介绍，又拿碗和餐具俾我们自己分，抵赞！先来木糠豆腐布甸$19，上枱时个豆腐震震吓，好得意，食落好香豆腐味又够滑，几个女仔抢住食。男仔朋友叫了榴梿肠粉$33，食完一件又一件，劲话好食！连食四件，好夸张，我唔食榴梿，唔知有几好味。另外又叫了cake，Tirumisu cup $21，上枱大大杯都几抵食，偏好Tirumisu的我，真是食到有香浓有意大利芝士味又有酒香，唔系偷工减料混入好多cream个种货色。朋友叫了至爱的甘笋合桃蛋糕$35，讲真我咁大个人第一次食，食落口感好得意，甘笋和合桃，原来都几夹，合桃有少少咬口，如果多d合桃粒会更加好。仲有流心朱古力汤圆$20，朱古力味都几浓，又唔太甜，忍唔住食多两粒，今餐真是饱饱饱。