影片
更多
2009-10-18
19 浏览
17-10-2009放工后到鲗鱼涌一转, 搞完后揾个地方食个 lunch. 落到嚟都已 2:xx pm, 唔伤脑筋了, 近近哋又试试呢度的 pasta. 叫了 linguini carbonara (好似 $56) 跟餐汤, 另加了 $10 要杯 house coffee; 朋友就食 linguini with smoked salmon in cream sauce 跟沙律.先嚟 house coffee, 几香, 饮「斋」的苦而不涩, 落糖及奶后, 饮完就觉得个口有点酸, 一般喜欢.餐汤系青豆忌廉汤, 质地极 thick, 饮落 creamy, 味道稍咸, 带几劲的香草味, 青豆味反而唔太突出, 不过比起 pasta, 都叫 ok 的一味.Linguini carbonara 面头有只「窝蛋」, 但拌匀后都唔觉蛋香, 真系 Sauce 本身好杰好 buttery, 不过配上完全唔够香的 bacon, 及煮得稍腍的 linguini, 绝对算唔上好好食, 印象一般.朋友的三文鱼 linguini 就比 carbonara 更差 -- 碎湿湿三文鱼够 "smoked" 味但较嚡
放工后到鲗鱼涌一转, 搞完后揾个地方食个 lunch. 落到嚟都已 2:xx pm, 唔伤脑筋了, 近近哋又试试呢度的 pasta. 叫了 linguini carbonara (好似 $56) 跟餐汤, 另加了 $10 要杯 house coffee; 朋友就食 linguini with smoked salmon in cream sauce 跟沙律.
先嚟 house coffee, 几香, 饮「斋」的苦而不涩, 落糖及奶后, 饮完就觉得个口有点酸, 一般喜欢.
餐汤系青豆忌廉汤, 质地极 thick, 饮落 creamy, 味道稍咸, 带几劲的香草味, 青豆味反而唔太突出, 不过比起 pasta, 都叫 ok 的一味.
Linguini carbonara 面头有只「窝蛋」, 但拌匀后都唔觉蛋香, 真系 Sauce 本身好杰好 buttery, 不过配上完全唔够香的 bacon, 及煮得稍腍的 linguini, 绝对算唔上好好食, 印象一般.
朋友的三文鱼 linguini 就比 carbonara 更差 -- 碎湿湿三文鱼够 "smoked" 味但较嚡口, linguini 同 carbonara 的一样唔得 al dente, cream sauce 味道淡淡的, 洋葱未炒熟, 但最失败系太多灯笼椒, 成阵涩味完全「渗」晒落 d pasta 度, 食到大家「嗡口嗡鼻」
Green salad 就卖相及味道都 hea 得很, dressing 又太少, 唔想有「做牛做马」的感觉, 食了两啖决定放弃; 朋友就直程掂都唔掂.
估唔到呢度 so far 样样都不错, 唯独 pasta / 咸食麻麻, 下次都系乖乖做返 (?) 甜魔好了.
张贴
